|
|
| Тема |
 И Историководителя е разкрит. |
|
| Автор |
_croesus (a.k.a. _krez) |
|
| Публикувано | 25.09.06 12:42 |
|
|
|
ЗАБОРАВЕН БОРЕЦ
Трикратен асномец се' уште чека спомен-плоча
Барањата за скромно обележје на гробот на борецот за Македонија, Васил Григоров Василев, се' уште чекаат во државните фиоки
[Неговото дело без спомен-обележје: Васил Григоров Василев]
Васил Григоров Василев почива во мир на градските гробишта во бугарскиот град Петрич, по долгиот животен пат испреплетен со создавањето на македонската држава. Во длабок административен мир на нашите државни фиоки се' уште „почиваат“ две молби за скромно спомен-обележје на овој учесник во партизанското антифашистичко движење во Пиринска, во Егејска и во Република Македонија.
Без одговор е барањето, упатено од последниот конгрес на Сојузот на борците од Македонија на високи државни адреси, да се обезбедат неколку стотици евра за да му се подигне обична мермерна спомен-плоча на неговото вечно почивалиште. На неа би го пишувало неговото име и натпис - Учесник на Првото, Второто и на Третото заседание на АСНОМ.
- Тоа е голема желба на неговото семејство, откако Васил почина пред неколку месеци во 91 година од животот. Неговиот живот беше вграден во борбата за создавање на македонска држава, а семејството само поради скромните материјални прилики не може да му постави спомен-плоча. Затоа и се иницира ова пред нашите државни органи, да се најдат средства за скромно обележје на овој човек, кој беше подготвен да го даде животот за својот народ - вели историчарот Васил Јотевски.
Последна адреса на која е испратено ова барање е таа на шефот на државата и на претседателот на Собранието. Оттаму постојано исти одговори: „Нема ништо ново во однос на вашето барање“.
Васил Григоров Василев, чие семејно презиме е Цветков, за време на Втората светска војна беше борец на Петричкиот партизански одред „Андон Попов“. Воениот пат го однел и во партизанските единици во вардарскиот и во егејскиот дел на Македонија. Бил политички комесар во единиците на Втората и на Четиринаесеттата македонска бригада, а круна на неговиот животен пат е учеството на сите три заседанија на АСНОМ. На Првото, на кое се удрени темелите на македонската држава, заедно со соборецот Атанас Атанасов, бил претставник на партизаните од пиринскиот дел на Македонија. По војната примал бугарска пензија како учесник во Втората светска војна. Но, по падот на комунистичкиот режим во оваа земја останал без пензијата откако бугарските борци во 1989 година донеле одлука да се откажат од воените пензии.
- Наш морален долг кон него е да му се подигне соодветно спомен-обележје. Боречката организација нема сопствени средства за самата да му се оддолжи и сметаме дека државата во чии темели се вградувал треба да го направи тоа - вели Кире Илиевски, претседател на скопската организација на борците.
Без одговор останало и барањето Василев да добие македонска пензија како учесник во НОВ и член на Првото заседание на АСНОМ.
- И на ова барање, упатено минатата година, се' уште чекаме одговор од нечија фиока - наведува историчарот Васил Јотевски.
Never Underestimate the power of stupid people in large groups.
| |
| |
| 
|
|
