|
Тема |
Караџаферис македонскиот јазик го направи бугарски |
|
Автор |
halford (непознат
) |
|
Публикувано | 02.11.05 14:22 |
|
|
ХИСТЕРИЧНА ОФАНЗИВА ВО ЕВРОПСКИОТ ПАРЛАМЕНТ
Караџаферис македонскиот јазик го направи бугарски
Грчкиот европарламентарец Јоргос Караџаферис по нападите и интензивната дипломатска офанзива против Македонија сега се сврте кон Европската Унија и од Брисел бара акции за да се исправат грешките. Неодамна на седница на Европскиот парламент тој поставил две прашања - за името и за употребата на македонскиот јазик.
Во прашањето заведено под број Е-3855/05, Караџаферис вели дека "иницијативата на американскиот посредник Метју Нимиц била целосен неуспех, бидејќи секој од неговите предлози е дискриминирачки и го фаворизира Скопје и претставува провокација за грчкиот народ".
Според грчкиот европарламентарец, ПЈРМ сака преговори за членство во ЕУ, нешто што е невозможно се додека не се реши спорот за името со Грција, поради ставот на Скопје и неговите моќни заштитници.
"Зошто Европската комисија не преземе иницијатива за посредување за да се донесе решение за прашањето?" е прашањето на Караџаферис поставено до парламентот.
Второто прашање, кое се води под број Е-3786/05, според дипломати во Брисел, е во најмала рака, смешно.
Караџаферис објаснува дека Делегацијата на Европската комисија во Скопје објавила билтен во кој го користи името Македонија, наместо ПЈРМ. Тој уште дообјаснил дека во Делегацијата има листа со медиуми, во која тие се нарекуваат медиуми што го користат македонскиот јазик.
"Единствената територија со името Македонија се наоѓа во северна Грција, а терминот македонски јазик не постои, бидејќи Македонците се Грци и зборуваат грчки јазик илјадници години.
Исто така, добро е познато дека јазикот што некои екстремни националисти го нарекуваат македонски, едноставно, е бугарски, што е потврдено од сите сериозни студии, од сите сериозни академици и универзитети во светот", аргументирал Караџаферис.
Неговото конкретно прашање било "зошто некои оддели од Европската комисија инсистираат да ги провоцираат Грците и да ја искривуваат историјата прифаќајќи ги овие опасни ставови и погледи на екстремните националистички кругови во и надвор од ПЈРМ". Во прашањето до одделите на ЕК, Караџаферис се интересира "зошто го користат несоодветното име "ПЈР(Македонија)" наместо многу пократкото, меѓународно признатото и апсолутно точното ПЈРМ?".
Дипломатите не сакаат детално да ги коментираат прашањата, но велат дека тие се провокативни и за Унијата.
Според процедурата на Европскиот парламент, Караџаферис треба да добие писмен одговор на прашањата, но не се прецизира до кога.
|
| |
|
|
|