|
|
| Тема |
 Старите карти се нови закани за спорот со името |
|
| Автор |
»№*ы{ђ}lЏ3©®™ (Тортурач) |
|
| Публикувано | 08.07.05 21:37 |
|
|
|
Грција ја обвини Македонија за иредентистичка и заканувачка пропаганда, затоа што на географските карти објавени на Интернет и во некои учебници по историја прикажала дека државата е под окупација на Грција и на Бугарија. Портпаролот на грчкото министерство за надворешни работи Јоргос Коумоцакос завчера изјавил дека станува збор за сериозно прашање, кое може да има последици во напорите за заедничко решение за името. Тој побарал и убедлив одговор од македонските власти.
- Време е за убедливи одговори на прашања за иредентистичка и заканувачка пропаганда. Тие одговори не ги бара само Грција, туку се поврзани со европската политичка реалност. Европа е алергична на иредентизам. Таа пропаганда не влијае како заштитник на политика, која мора да се следи за да се решат проблемите во регионот - порачал Коумоцакос.
Неговата реакција доаѓа по написите на грчкиот весник „Катимерини“, кој објавил текстови во кои се тврди дека преку линк од интернет-страницата на македонското МНР може да се стигне до спорните географски карти, а потоа и податоци дека такви карти имало во учебникот по историја за седмо одделение.
На географските карти во учебникот по историја од 1999 година е прикажана картата на Македонија за време на Илинденското востание, а Солун и други делови од Грција се прикажани како дел од неа. На легендата на втората географска карта, пак, пишува „Наша е Македонија - парола на туѓите пропаганди“, за да се прикажат аспирациите на Грција, Бугарија и Србија кон делови од тогашната македонска територија.
Од издавачката куќа „Просветно дело“, која го издала учебникот по историја од авторот Александар Трајановски, велат дека станува збор за фактографски лекции.
- Во учебникот не се вели дека Македонија во моментов е под окупација на Грција и Бугарија, туку тие лекции се од периодот на Илинденското востание. Во периодот од 1903 до 1905 година се создале услови за поделба на Македонија меѓу Србија, Грција и Бугарија. Во тој период во Македонија навлегле и грчко-андартски и српски чети, а во учебникот се зборува исклучиво за тој период - вели Ели Маказлиева, главен уредник во „Просветно дело“.
Таа вели дека тој учебник е стар и повеќе не е во употреба, бидејќи од септември основците ќе имаат нови учебници по историја.
На написот за интернет-картите, пак, македонското МНР одговара дека „не одговара за содржината на комерцијалните сајтови“. Но, во Министерството сепак го отстранија линкот од службената интернет-страница до македонскиот веб-директориум, кој водеше до картите што ја вознемирија Атина. Во МНР вчера ги отфрлија обвинувањата за иредентистичка пропаганда.
- Македонија нема никакви претензии кон Грција и тоа јасно го покажавме со промената на знамето и Уставот пред да се потпише привремената спогодба - велат во МНР
| |
| |
| 
|
|
