|
Анкета на Телевизия А1. Избрани мнения:
Дали Тито се враќа во Македонија?
10.05.2005
Претседателот Бранко Црвенковски во чест на 60 години од победата над фашизмот предлага во центарот на Скопје да се крене споменик на Јосип Броз Тито.
Црвенковски вели дека Јосип Броз Тито историска личност што даде исклучителен придонес за македонското национално прашање и градење на македонската државност. Со оваа идеја се согласуваат и Бучковски и градоначалникот на Скопје Трифун Костовски.
ВМРО-ДПМНЕ пак потсетува дека токму во времето на Тито беа затворани или стрелани сите оние кои јавно се произнесуваа дека сакаат независна држава Македонија. Нивните семејства во тој режим беа жигосувани и малтретирани, а не мал број од овие лица беа испраќани на Голи Оток, место каде се направени нејѕверските мачења и убиства на илјадници граѓани кои размислувале поинаку. Една од жртвите на тој режим е и Методија Андонов Ченто.
Дали Тито се враќа во Македонија или тоа е обид на дневната политика поттикне некаква југо носталгија? Зошто наместо на Тито Црвенковски не покрене иницијатива да се подигне споменик на загинатите бранители или на Александар Македонски? Дали е потребно во ова време да се гради споменик на Тито или на други личности од нашата историја кои се запоставени?
* * *
Нарочито за Македонија и македонскиот народ, Тито е најзаслужниот граѓанин. Да не беше Тито и титовата политика, Македонија може и ден денеска ќе беше Вардарска Бановина, а Македонците како конвертирани или прави Срби.
Затоа, предлогот на претседателот Бранко Црвенковски е сосема в ред и на погодно место и време.
Ако не си ја негувате титовата политика, која ве куртули од српството, идната ваша генерација ќе се пробугари, а тоа како што знаеме, од ден на ден се зголемуваат барањата за бугарското државјанство.
Па се избира, со Тито и по Тито како Македонци, или без титовиот пат, без свој македонски идентитет. Тогаш да не ни е криво, зашто си станавме Срби или Бугари.
Бошко Јосифовски, Хановер, Германија
* * *
Јас живеев во Титова Југославија и бев посреќна од моето дете сега. Немавме многу, но имавме доволно.
Сметам дека Тито е дел од македонската историја и треба да има негов споменик.
Татјана, Скопје, Македонија
* * *
Искрено не и се израдувавме на нашата татковина Македонија. Од нејзиното осамостојување ја прекрстуваат, ја кројат, ја делат како умот ќе им сече на некого.
Дека не живееме самостојно како независна држава е доказ и последниот предлог на Бранко Црвенковски, кој уште еднаш сака народот да го издели со тоа што сака да направи споменик на човек кој со години го држел македонското прашање затворено.
Ако не беше тој, теоретски Македонија може ќе беше сега во своите етнички граници, обединета, силна, распослана од Шара до Егејот и од Пирин до Преспа.
Човекот кој живееше како прав деспот со многу жени, бродови, војска, јахти, не придонел толку, да биде во главниот град на нашата татковина.
Зар со Гоце ќе го ставиме во исто рамниште, зарем Македонија нема македонски дејци, патриоти, уметници, спортисти, па мора да позајмуваме личности од други земји. Ете нека прават во Хрватска колку сакаат, ама не прават ни таму.
А пак ако Бранко сака, нека направи споменик на неговиот другар Тито во неговата Дебарца, ама се сомневам дека ќе му дозволат.
Може ли еднаш Македончето да каже одлучно „Не“? Ете затоа, мои браќа и сестри Македонци, не ни признаваат црква, име, држава и тоа го гледаат соседите дека не сме расчистиле што всушност сакаме.
Македонија си живее со Тито по сите обележја, од грбот до свеста на Македонците, кои се и најголемите Ју-носталгичари.
Душан Андовски, Перт, Австралија
* * *
Иницирање на кревање на споменик на г-динот Ј.Б.Тито во 2005 година, кога Македонија е на пат да влезе во најголемите, историски гледано, антикомунистички политички кругови, е тотално помрачување на здравиот разум и политичка дегресија.
Батка, Скопје, Македонија
* * *
Споменот за Тито некако вестачки, со националната еуфорија за самостојно битисување, беше избришан.
Мислам дека таа личност заслужува место во нашата помодерна историја, затоа што без него сигурно ќе бевме нечија бановина, без името ни македонско, без јазик, национална историја и македонско достоинство.
Јас сум родена и формирана во негово време и затоа сум горда Македонка и граѓанин на светот.
За Александар Македонски никогаш не е доцна, а и доста е дискутабилна таа припадност. За бранителите секако и на прво место.
Зорица Блажевска, Скопје, Македонија
* * *
За Тито треба во секој град да се подигне споменик. Да не беше Тито немаше ни Македонија да ја биде. Тој е таткото на поновата Македонска држава.
Томе, Виена, Австрија
* * *
Дедо ми бил комита, се борел во Втората Светска војна како Македонски партизан за сопствената Македонија.
Поради тоа што не се борел за Тито и за неговите духовни чеда лежел затвор во Идризово дури 5 години. Не му дадоа ни пензија. Бил ВМРО-вец. Јас Тито не го сакам.
Илија, Велес, Македонија
* * *
Ако Б.Ц. направи споменик на Тито ќе мора да ги ги стави сите 400.000 невработени да го чуваат ден и ноќе.
Што друго да прават кутрите, кога наместо да им донесе инвестиции и фабрики им го носи Тито. Б.Ц. и се е можно!!! Господ да чува и да брани.
Ѓорче, Лондон, Британија
Пълен текст .
Редактирано от Cинeвa на 12.05.05 20:04.
|
Тито се завръща. Но дали някога си е заминавал?
