Бугарското јагне го испревари македонското
АЛЕКСАНДРИЈА СТЕВКОВСКА
Овој викендов истекува рокот за фаќање на извозниот шпиц за јагнешко месо на италијанскиот пазар. Станува збор за извоз што се реализира пред католички Велигден, за кој Италијанците, како традиционални купувачи, се снабдуваат со јагнешко од Македонија и него го плаќаат по многу повисока цена од извозот на грчкиот пазар, кој почнува подоцна и по многу пониска цена од она што се постигнува сега.
Годинава нашите производители и трговци при извоз на традиционалните пазари се соочуваат со конкуренција од Романија, Полска, Бугарија, кои поради стимулациите што ги дава државата, во можност се да извозуваат по многу пониски цени од македонските.
>†Секоја година се менуваат можностите за пласман на македонското јагне на странските пазари,но во негативна насока. Имено, некогашните пазари кои потребите на јагнешко во најголем дел ги задоволуваа со увоз од Македонија, сега се преплавени со јагниња од Бугарија, Романија и Полска, кои се со многу пониска цена од нашата.
За илустрација, годинава Бугарија на сточарите им додели двојно поголема стимулација од онаа што се даваше во претходните години, што пак во комбинација со сопствено производство на сточна храна, на оваа земја Ј остава простор за извоз по многу ниски цениии, вели Васко Ристевски, советник за земјоделство во Стопанската комора на Македонија.
Според Ристевски, годинава почна лошо и со задоцнување откупната сезона на јагнињата, што неповолно се одрази врз севкупниот тек на извоз на овој македонски деликатес. †Сегашната откупна цена на јагнињата се движи од 137 до 140 денари за килограм, што претставува пониска цена од минатогодишната, која изнесуваше од 150 до 160 денари. И извозната цена, која се движи од 3,80 до 4 евра, е пониска од минатогодишната од 4,15 до 4,5 евра за килограмми, додава Ристевски.
Според податоците на институциите кои ги скенираат состојбите во овој дел, сточарите имаат резерва од околу 250.000 јагниња, во најголем дел наменети за извоз. Откупот на јагнешко годинава почна со ниски откупни цени од 90 до 120 денари за килограм, што беше премногу ниска цена за сточарите, која ги принуди да не ги продаваат јагнињата, со оглед на тоа дека таквите цени не покриваат ниту дел од производствените трошоци.
Според сточарите, реалната цена која би ги покривала основните производствени трошоци не би требало да биде пониска од 180 денари за килограм жива мера. Сепак, притиснати од јагнињата кои стасуваа за пазар, сточарите почнаа да ги продаваат, иако беа незадоволни од цената што ја добиваа.
>†Голем број сточари, во очекување на повисоки откупни цени од директните купувачи на теренот, не ги прифатија понудите за откуп од нашите трговци, со што се ставија во неповолна ситуација, ризикувајќи јагнињата да им ја надминат бараната тежина од купувачите и да им останат дома.
Во ваква ситуација нашите производители забораваат дека надворешните пазари ги освојуваат Романија, Полска и Бугарија, кои извозуваат по многу ниски цени. Бугарија, на пример, извозува во Италија живо јагне за 2,5 евра за килограм. До крајот на овој викенд на тек е откупот за италијанскиот пазар и цената се движи од 140 до 150 денари за килограм, што е многу поповолна понуда од онаа што ќе следува за извоз на грчкиот пазар, кој откупува подоцна и нуди пониска откупна ценааи, вели Меџит Амити, претседател на Регионалното здружение на одгледувачи на овци при Федерацијата на македонските фармери.
Македонија досега извозуваше од 2,7 до 3 милиони килограми јагнешко месо на италијнскиот, хрватскиот и на грчкиот пазар, од кои остваруваше прилив на 12 до 15 милиони долари годишно.
|