|
|
| Тема |
 Дуле и Коки најпопуларните во Бугарија |
|
| Автор | © Beчep Пpec (Нерегистриран) | |
| Публикувано | 26.02.05 05:46 |
|
|
|
© Вечер Прес
Дуле и Коки на изборот на најпопуларните во Бугарија
Вчера дуото "Дуле и Коки" во големата сала НДК во Софија учествуваа на изборот на најпопуларните уметници во Бугарија за 2004 година.
Тие беа номинирани во две категории - за најпопуларна песна и највртен спот, а конкурираа со песната и видео записот за нумерата "Марама", која стана голем хит на приватната бугарска ТВ "Планета".
Наскоро Дуле и Коки за бугарскиот пазар ќе снимат втор албум, овојпат на бугарски јазик, што е знак дека ним навистина добро им оди во соседството.
На почетокот на март, во својата кафеана "Карика" тие ќе го промовираат и документарецот снимен за нив, во траење од 45 минути, што имаат намера да го пласираат и на Интернет, зашто, како што велат имаат се повеќе покани за гостувања во странство. За домашната публика тие во март ќе снимат и нов спот, овојпат за една прекрасна балада што за нив ја напиша Калиопи. И покрај бројните обврски и се поголемите ангажмани во странство Дуле и Коки не се откажуваат од клупските свирки и секој ден се на пат низ Македонија и гостуваат во кафулиња и дискотеки. (М.Т.А.)
Веста е прочитана 245 пати.
| |
| |
| 
|
|
