|
Тема |
„Духот на слободата“ |
|
Автор | Boдaн Чepнoдpинckи (Нерегистриран) | |
Публикувано | 23.02.05 01:20 |
|
|
Сезона на Горан Стефановски во Драмски
Тековната сезона во Драмскиот театар поминува во знак на Горан Стефановски.
„Лет во место“, драмата на Стефановски што својата праизведба ја имаше во почетокот на 1980-тите години, деновиве интензивно се подготвува на сцената во Драмски, со најава за премиера идниот месец.
Театарската пиеса, аморалитетот „Евримен“ што Горан Стефановски го работеше по нарачка на британскиот театар „Меланж“, по изведбите на неколку европски театарски сцени, под наслов „Жив чоек“ во режија на Дејан Дамјаноски, беше премиерно изведен во Драмски во почетокот на оваа сезона.
Двете поставки се дел од програмите на два различни директори на куќата, а заживувањето на два текста од ист автор во исто време е голема реткост во домашниот театарски живот. Така, Драмски практично живее сезона одбележана со присуството на Стефановски.
- „Лет во место“ иако е драма стара повеќе од дваесет години, исклучително е актуелна за моментот што го живееме. Горан, пак, во меѓувреме, стана член на МАНУ, па мислевме дека е убаво да го одбележиме тоа и на овој начин - вели актуелната директорка на Драмски театар, Силвија Стојановска.
Дека присуството на Стефановски на домашната театарска сцена се интензивира, потврдува и вклучувањето на писателот во претставата „Духот на слободата“, чии подготовки во битолскиот театар ќе почнат во март.
- Текстот на Војдан Чернодрински, „Духот на слободата“, добива нова димензија дополнет со две едночинки напишани од Горан. Претставата би требало да ја режира Бранко Брезовец, а подготовките почнуваат во март - вели Љупчо Ѓоргиевски, директор на битолскиот театар.
Според драматургот Деспина Ангеловска, интензивното присуство на Стефановски можеби се должи на недостигот од домашни текстови во нашите театри и неосвеженоста на домашната драматургија со нови автори.
Н. Б.
|
| |
|
|
|