|
|
| Тема |
 Бугарски криминалци - шверц на цигари - 800 м евра |
|
| Автор | © 2OO4 Bpeмe (Нерегистриран) | |
| Публикувано | 22.02.05 05:12 |
|
|
|
Број 321 вторник, 22 февруари 2005 | Добредојдовте на веб изданието на Време
Македонија дистрибутивен центар во шверцот со цигари
Веста дека Македонија била главна алка во синџирот за шверц на цигари, организиран од бугарски криминалци, веќе неколку дена е топ-тема во бугарските медиуми.
Најновиот број на бугарскиот неделник „Банкари“ во саботата објави дека контроверзниот бугарски бизнисмен Иван Тодоров, познат како Докторот, во периодот од 1997 до 2003 година испрал 800 милиони евра преку шверцот со цигари и дека меѓу блиските често се фалел дека *бил одличен пријател со поранешниот македонски премиер Љубчо Георгиевски* и со синот на претседателот на Црна Гора, Мило Ѓукановиќ.
Неделникот пишува дека „валканите“ пари од шверцот со цигари биле перени преку десетици банки, финансиски институции, брокерски куќи и компании во Бугарија и во соседните земји. Весникот понатаму наведува дека огромни количества шверцувани цигари без проблем биле внесувани во Македонија и во Црна Гора.
Еден од најтиражните дневни весници, софискиот „24 часа“, во петокот објави дека најголем дел од шверцуваните цигари биле купувани од кипарски фирми и потоа преземани од бугарски фирми.
Откако стоката ќе била преземена од бугарските фирми била товарена во камиони и носена во Македонија, Црна Гора и во Грција.
Одделни пратки незаконски биле пласирани дури и во повеќе западноевропски земји, пишува „24 часа“. Весникот наведува дека дел од парите од шверцот биле пренесувани во кеш од курири во Македонија, кои пратките со пари ги носеле до бугарската граница. Весникот, повикувајќи се на извори од бугарските државни иследници, пишува дека се случувало еден таков курир од Македонија во Бугарија без проблем да внесе кеш од 20 до 25 милиони долари.
Според досегашните сознанија на бугарското МВР, на бугарската гранична служба и на царинската управа, шверцуваните цигари само фиктивно биле извезувани во Македонија, со авиони преку скопскиот аеродром и со камиони преку граничниот премин Ѓушево кај Ќустендил.
Камионите во Македонија влегувале преку Деве Баир, кај Крива Паланка.
Откако од Бугарија ќе влезеле во странска држава, транспортните средства не го истоварувале товарот, туку само долевале гориво и се враќале назад во Бугарија, во Пловдив и складирани во магацини или враќани во Варна.
Истовремено, неколку фиктивни бугарски фирми купувале девизи од брокерската куќа „Амигос“ од Пловдив, сопственост на Докторот, на Петар Петров и на браќата Маријанови, сите главни осомничени за шверцот со цигари. Купените девизи ги правдале со договори со странски фирми од земјите-членки на ЕУ за увоз на стоки во Бугарија. Но, тие девизи всушност биле трансферирани во други странски банки и на тој начин биле ослободени од данокот.
Министерството за внатрешни работи веќе соопшти дека засега нема докази за вмешаност на наши државјани во шверцот со цигари од Бугарија
| |
| |
| 
|
|
