|
ЗАЕДНИЦА НА МАКЕДОНЦИТЕ ВО СРБИЈА И ЦРНА ГОРА
ИЗБРАН НАЦИОНАЛЕН СОВЕТ НА МАКЕДОНЦИТЕ ВО СРБИЈА И ЦРНА ГОРА
Сава центар - Белград
12 декември 2004 година, Белград, Србија и Црна Гора - Вчера во Сава центарот во Белград, под покровителство и покана на Министерството за човекови и малцински права при Министерскиот совет на Србија и Црна Гора се одржа Електорско собрание за избор на Национален совет на Македонците во Србија и Црна Гора. Во име на иницијативниот одбор за свикување на Електорското собрание за избор на Национален совет на Македонците во Србија и Црна Гора присутните ги поздрави Гојко Илиевски, претседател на Заедницата на Македонците во Србија и Црна Гора истовремено повикувајќи ги да ја поздрават химната на Србија и Црна Гора и химната на Република Македонија.
Г-дин Гојко Илиевски го покани претставникот на Министерството за човекови и малцински права при Министерскиот совет на Србија и Црна Гора да го прогласи Електорското собрание за отворено, да ги поздрави присутните и да го повика најстариот електор да претседава со работата на Електорското собрание до изборот на работното претседателство.
Г-дин Слободан Карановиќ, заменик министер за човекови и малцински права при Министерскиот совет на Србија и Црна Гора ги пренесе поздравите од министерот за човекови и малцински права Расим Љаиќ за работата на Електорското собрание и го прогласи Електорското собрание за отворено.
Претставникот на Министерството за човекови и малцински права при Министерскиот совет на Србија и Црна Гора го повика најстариот електор Јово Радески да претседава со работата на Електорското собрание до изборот на работното претседателство.
Најстариот електор Јова Радески се заблагодари на претставникот на Министерството за човекови и малцински права при Министерскиот совет на Србија и Црна Гора за отворањето на Електорското собрание.
Врз основа на списокот на електорите потврдено од Министерството за човекови и малцински права при Министерскиот совет на Србија и Црна Гора најстариот електор констатира дека од вкупно педесет и двајца електори кои поднеле пријава за учество на Собранието до Министерството за човекови и малцински права при Министерскиот совет на Србија и Црна Гора, на Електорското собрание се присутни 51 електори, со што Собранието може полноважно да работи и одлучува.
На предлог на најстариот електор како претседавач, Собранието за членови на работното претседателство ги ибзра (1) г-ца Лидија Демниева за претседател, (2) г-дин Борче Величковски за потпретседател и (3) г-ѓа Весна Мицевска Антал за член на работното претседателство.
Претседателот на Собранието во свое име и во името на членовите на работното претседателство се заблагодари на искажаната доверба.
На предлог на работното претседателство, а врз основа на точката 8 од Деловникот на Електорското собрание, Собранието го усвои следниот дневен ред:
(1) Деловник на Електорското собрание за избор на Национален совет на Македонците во Србија и Црна Гора.
(2) Избор на три члена на работното претседателство (претседател, потпретседател и член) на Електорското собрание за избор на Национален совет на Македонците во Србија и Црна Гора.
(3) Избор на работни тела на Електорското собрание за избор на Национален совет на Македонците во Србија и Црна Гора: претседател и два члена на изборната комисија, и записничар.
(4) Одлука за определување на бројот на членовите на Националниот совет на Македонците во Србија и Црна Гора.
(5) Избор на членови на Националниот совет на Македонците во Србија и Црна Гора.
На Електорското собрание како гости присуствуваа: Н.Е. г-дин Виктор Димовски, амбасадор на Република Македонија во Белград; Ратка Чокрева Милошевиќ, министер-советник во Амбасадата на РМ во Белград; Сузана Зеленковска, советник во Амбасадата на РМ во Белград; Орце Џалевски, втор секретар во Амбасадат на РМ во Белград; г-ѓа Иванка Томовиќ од Министерството за надворешни работи на Србија и Црна Гора; Слободан Карановиќ, заменик министер за човекови и малцински права на Србија и Црна Гора; г-ѓа Весна Митриќ од Министерството за човекови и малцински права на Србија и Црна Гора; г-дин Петар Лаѓевиќ, секретар на Советот за национални малцинства при Владата на Република Србија; г-дин Стојан Руменовски, претставник на Министерството за надворешни работи на Република Македонија; г-ѓа Ханлоре Валиер, претставник од Мисијата на Организацијата за безбедност и соработка во Европа во Србија и Црна Гора; г-дин Берег Јожеф, потпретседател и г-дин Ердељи Имре член на Националниот совет на Унгарците; г-дин Славко Ороз, претседател на Националниот совет на Русините; г-дин Лук Виори, потпретседател на Националниот совет на Румунците; г-дин Мошо Грозновица, потпретседател на Националниот совет на Хрватите; г-дин Шиме Секулиќ, потпретседател на Националниот совет на Буњеваците; г-дин Славко Микитишин потпретседател, г-дин Еуген Кулеба секретар и г-дин Славко Налесник член на Националниот совет на Украинците; г-дин Есад Ѓурѓевиќ, претседател на Извршниот одбор на Националниот совет на Бошњаците; г-дин Гојко Илиевски, претседател на Заедницата на Македонците за Србија и Црна Гора и претседател на Здружението на Македонците за браничевскиот округ “Македонија” од Пожаревац; г-дин Драган Величковски, претседател на Демократската партија на Македонците во Србија; г-дин Милан Селаловиќ, претседател на општина Пландиште; г-дин Панчо Минов, градоначалник на Кавадарци од Република Македонија; градоначалникот на Неготино од Република Македонија; г-дин Тодор Петров, претседател на Светскиот македонски конгрес; г-дин Исмаил Бојда, претседател на Сојузот на Македонците со исламска религија; г-дин Васил Стерјовски и господин Ставри Малевски, претставници на Заедницата на Македонците во Албанија; г-дин Андон Искренов и г-дин Дамјан Искренов, претставници на Заедницата на Македонците во Бугарија и на Здружението на Помаците во Република Бугарија за евро-атлантски интеграции "Сонце" од Кочан; г-дин Јово Радески, претседател на Здружението на Македонците за јужно-банатскиот округ “Вардар” од Панчево; г-дин Богомил Тодосовски, претседател на Здружението на Македонците за јабланачкиот округ “Илинден” од Лесковац; г-дин Благоја Илијевски, претседател на Здружението на Македонците за нишкиот округ “Вардар” од Ниш; г-дин Драган Тавчиовски, потпретседател на Македонското здружение "Кочо Рацин” од Белград; и г-дин Зафир Хаџиманов, претседател на Југословенско-македонското друштво “Шар планина” од Белград.
Електорското собрание го поздравија Н.Е. Виктор Димовски, амбасадор на Република Македонија во Белград; Г-ѓа Весна Митриќ од министерството за национални малцинства на Србија и Црна Гора; г-дин Стојан Руменовски, претставник на Министерството за надворешни работи на Република Македонија; г-ѓа Ханлоре Валиер, претставник на Мисијата на Организацијата за безбедност и соработка во Европа во Србија и Црна Гора; г-дин Тодор Петров, претседател на Светскиот македонски конгрес; г-дин Исмаил Бојда, претседател на Сојузот на Македонците со исламска религија; г-дин Васил Стерјовски, претставник на Заедницата на Македонците во Албанија да ги поздрави присутните; Андон Искренов, претставник на Заедницата на Македонците во Бугарија и на Здружението на Помаците во Република Бугарија за евро-атлантски интеграции "Сонце" од Кочан.
Поздравни телеграми до Електорското собрание упатија Партијата на Македонците во Грција "Виножито" и г-дин Љупчо Јордановски, претседател на Собранието на Република Македонија.
Собранието донесе Деловник на Собранието.
На предлог на работното претседателство Собранието за членови на изборната комисија ги избра -гдин Живко Стојановски за претседател и за членови г-дин Благоја Илиевски и г-дин Симо Најдовски.
На предлог работното претседателство Собранието за записничар ја избра Весна Мицевска Антал.
На предлог на работното претседателство Собранието донесе одлука бројот на членовите на Националниот совет на Македонците во Србија и Црна Гора да изнесува вкупно дваесет и еден членови.
Врз основа на точката (18) од Деловникот на Електорското собрание, според кое листа на кандидати за членови на Советот може да предложи најмалку една четвртина од присутните електори претседателот на Собранието објави дека од вкупно присутни 52 електори, потребниот минимален број на електори за валидност на листата на кандидати за избор на Националниот совет изнесува 13 електори.
Претседателот на Собранието објасни дека: секој електор може да поддржи само една листа; на листата на кандидатите може да бидат најмалку пет, а најмногу 21 кандидати колку што Советот има членови, и редоследот на кандидатите го определува подносителот на листата.
До работното претседателство беше поднесена само една листа на кандидати за избор на Национален совет во согласност со Закон, Правилникот за работа на Електорското собрание од Министерството за човекови и малцински права и Деловникот на Електорското собрание.
Врз основа на точката 23 од Деловникот, претседателот на Собранието ја прогласи Листата на кандидати за членови на Националниот совет како Листа-А во состав: (1) Гојко Илиевски, носител на листата, и кандидатите (2) Никола Дуганов, (3) Ванчо Мерџановски, (4) Драган Вељковски, (5) Лидија Демниева, (6) Александар Пенев, (7) Сашко Велковски, (8) Ивана Цветковиќ, (9) Верка Џуваревиќ, (10) Благоја Илијевски, (11) Стојан Пандиловски, (12) Драган Костадиновски, (13) Стојан Велески, (14) Живко Стојановски, (15) Владимир Стојицов, (16) Љубица Дојчиновска, (17) Сима Најдовски, (18) Јован Радески, (19) Венче Јовановски, (20) Борче Величковски, и (21) Горан Митевски.
Образложение по листата поднесе носителот на листата г-дин Гојко Илиевски.
Претставникот на Министерството за човекови и малцински права при Министерскиот совет на Србија и Црна Гора ги достави списокот на електорите и гласачките ливчиња до претседателот на изборната комисија.
По гласањето извештај од гласањето поднесе претседателот на изборната комисија. Од вкупно 51 присутен електори изборната комисија констатира дека гласале сите 51 електори. Од 51 гласачки ливчиња 49 се важечки, а 2 неважечки. Од важечките гласачки ливчиња 47 гласале за листата-А чиј носител е Гојко Илиевски.
Врз основа на резултатите од гласањето објавени од изборната комисија, претседателот на Собранието го прогласи составот на Советот: (1) Гојко Илиевски, носител на листата, и кандидатите (2) Никола Дуганов, (3) Ванчо Мерџановски, (4) Драган Вељковски, (5) Лидија Демниева, (6) Александар Пенев, (7) Сашко Велковски, (8) Ивана Цветковиќ, (9) Верка Џуваревиќ, (10) Благоја Илијевски, (11) Стојан Пандиловски, (12) Драган Костадиновски, (13) Стојан Велески, (14) Живко Стојановски, (15) Владимир Стојицов, (16) Љубица Дојчиновска, (17) Сима Најдовски, (18) Јован Радески, (19) Венче Јовановски, (20) Борче Величковски, и (21) Горан Митевски.
На избраните членови на Националниот совет на Македонците во Србија и Црна Гора претседателот на Собранието им посака успешна работа наредните четири години мандат од 11 декември 2004 заклучно со 11 декември 2008 година.
Претседателот на Собранието изрази посебна благодарност на Министерството за човекови и малцински права при Министерскиот совет на Србија и Црна Гора за свикувањето и одржувањето на Електорското собрание, на сите присутни гости од земјата и странство за присуството на Електорското собрание и на средствата за јавно информирање за присуството и информирањето на јавноста.
Првата седница на Националниот совет ќе ја свика со посебна писмена покана претседателот на Електорското собрание, кое до изборот на претседател, ќе раководи со седницата на Националниот совет. Поканата со предлог-дневниот ред и предлог-документите за работа на првата седница до членовите на Националниот совет ќе бидат доставени по пошта.
Бидејќи дневниот ред беше исцрпен претседателот на Собранието го прогласи за затворено Електорското собрание.
По одржувањето на Собранието, претседателот на Собранието организираше пригоден коктел за сите учесници на Собранието.
На 11 декември вечерта со почеток во 20.00 часот во хотел "Тамиш" во Панчево до раните утрински часови се организира Македонска вечер. Гости на вечерта беа амбасадорот Виктор Димовски и претседателот на Светскиот македонски конгрес, Тодор Петров. Расположението на присутните 300 Македонци со македонска народна музика го збогати ансамблот на Стефче Стојковски од Македонија, во организација на Светскиот македонски конгрес.
________________________________________
Поздравен говор на претседателот на Светскиот Македонски Конгрес, Тодор Петров
Почитувани електори, господине амбасадоре, господине министре, почитувани браќа и сестри Македонци и Македонки, во името на Светскиот Македонски Конгрес како неформален светски парламент на Македонците од сите делови на Македонија во целиот свет, Ве поздравувам и Ви посакувам успешна и плодна работа. Очекуваме Националниот совет на Македонците да прерасне во креативна и ефективна институција за остварување на правото на Македонците во Србија и Црна Гора на самоуправа во областа на употребата на македонскиот јазик и неговото кирилско писмо, образованието и информирањето на македонски јазик и заштитата и афирмацијата на македонската култура. Законот за заштита на правата и слободите на националните малцинства од 26 февруари 2002 година и Спогодбата меѓу Република Македонија и Србија и Црна Гора за заштита на македонското национално малцинство во Србија и Црна Гора и заштита на српското и црногорското национално малцинство во Република Македонија од 6 јули 2004 година се солидна основа за унапредување на македонско-српско-црногорските билатерални односи и унапредување на положбата и правата на Македонците во Србија и Црна Гора. Бидете лојални државјани на Србија и Црна Гора, но никогаш не заборавајте дека Вашите корени се во Македонија. Светскиот Македонски Конгрес Ви стои на располагање за целосна соработка, затоа што во Вас верува како вистински амбасадори на Македонија во Србија и Црна Гора. Нека Господ Бог Ве благослови сите Вас, Македонија и Србија и Црна Гора и македонско-српско-црногорското пријателство и соработка. Амин!
________________________________________
Поздравен говор на претставникот на Заедницата на Македонците во Албанија, Васил Стерјовски
Почитувани браќа и сестри, почитувани дами и господа, Ви носам искрени и братски поздрави од Заедницата на Македонците во Албанија која претставува повеќе од 300.000 Македонци на целата територија на Република Албанија. Ви посакуваме успешна работа на ова Собрание и во натамошната работа на Националниот совет на Македонците во Србија и Црна Гора. И покрај тоа што бројот на националните малцинства во Република Албанија - Македонци, Грци, Роми, Власи, Египтјани, Срби и Црногорци - изнесува околу 40% од вкупното население, официјалните власти во Тирана без попис на населението, се уште тврдат дека нивниот број не е повеќе од 6% од населението, што само по себе покажува какво е нивото на правата и слободите во Албанија. Македонците во Албанија се организирани во четири друштва со ограноци на целата територија на Албанија, претежно во областите Мала Преспа, Голо Брдо, Гора и Тирана, а од пред две години овие друштва се обединети во Заедница на Македонците во Албанија. Албанија се' уште е далеку од меѓународните и европските стандарди за човековите и малцинските права и слободи, меѓутоа надеж дава се' позасиленото организирање на националните малцинства под притисок на Советот на Европа, ОБСЕ и Европската Унија и демократизацијата на општеството која се' повеќе се имплементира поради намерата на Албанија за членство во Европската Унија и НАТО-Алијансата. Се надеваме на натамошна голема соработка и размена на искуства кои ќе ни бидат драгоцен патоказ за нашата кородинирана активност и останете со здравје до наредна средба.
____________________________________
Врз основа на членот 13 од Правилникот за начинот на работа на Собранието на електорите за избор на совет на националните малцинства (“Службен лист на СРЈ” број 41/2002), Електорското собрание за избор на Националниот совет на Македонците во Србија и Црна Гора, на седницата одржана на 11 декември 2004 година, во Белград, донесе
ДЕЛОВНИК
на Електорското собрание за избор на Националниот совет на Македонците во Србија и Црна Гора
(1) Електорското Собрание (во натамошниот текст: Собрание) го свикува Министерството за човекови и малцински права при Министерскиот совет на Србија и Црна Гора.
(2) Пред отворањето на Собранието се интонираат химните на Србија и Црна Гора и на Македонија.
(3) На покана на претставник на иницијативниот одбор, Електорското собрание го отвора претставник на Министерството за човекови и малцински права при Министерскиот совет на Србија и Црна Гора.
(4) На покана на претставник на Министерството за човекови и малцински права при Министерскиот совет на Србија и Црна Гора, до изборот на работно претседателство, со Собранието претседава најстариот електор.
(5) Врз основа на списокот на електорите што го доставува Министерството за човекови и малцински права при Министерскиот совет на Србија и Црна Гора, најстариот електор врши прозивка за присутноста и утврдува колку вкупно електори поднеле пријава за учество на Собранието до Министерството за човекови и малцински права при Министерскиот совет на Србија и Црна Гора, колку електори се присутни и дали Собранието може полноважно да работи и одлучува.
(6) На предлог на најстариот електор, Собранието избира тричлено работно претседателство во состав претседател, потпретседател и член.
(7) Секој електор има право да предложи изменување и дополнување на предложениот состав на работното претседателство.
(8) Дневниот ред на Собранието го предлага работното претседателство.
(9) Секој електор има право да предложи изменување и дополнување на предложениот дневен ред.
(10) На предлог на работното претседателство, Собранието избира записничар и тричлена изборна комисија во состав претседател и два члена.
(11) Пред почетокот на работниот дел, претседателот на Собранието ги поздравува гостите и ги повикува доколку сакаат да ги поздрават присутните.
(12) Собранието одлучува јавно, со мнозинство гласови од присутните електори, доколку не е поинаку определено со овој Деловник.
(13) Изборот на членовите на Националниот совет на Македонците во Србија и Црна Гора (во натамошниот текст: Совет) се врши со тајно гласање.
(14) Гласањето ќе се изврши тајно и ако на предлог на претседателот или на еден електор, така одлучи Собранието. Со тајното гласање раководи изборната комисија. Тајното гласање се спроведува со гласачки ливчиња.
(15) Советот се избира по пропорционален систем.
(16) Собранието одлучува за бројот на членовите на Националниот совет.
(17) Кандидатите за членови на Советот не мора да се електори, но треба да бидат Македонци по потекло и да го зборуваат македонскиот јазик.
(18) Листа на кандидати за членови на Советот (во натамошниот текст: листа) може да предложи најмалку една четвртина од присутните електори. Пред поднесувањето на листите, претседателот на Собранието го објавува потребниот минимален број на електори за валидност на листата.
(19) Секој електор може да поддржи само една листа.
(20) На листата на кандидатите може да бидат најмалку пет, а најмногу онолку кандидати колку што Советот има членови. Редоследот на кандидатите го определува подносителот на листата.
(21) Пред поднесувањето на листите, претседателот на Собранието објавува пауза и ги повикува носителите на листи по паузата да ја достават во писмена форма листата за избор на членови на Советот, заедно со име и презиме на кандидатите за членови на Советот, нивната согласност да бидат кандидати на листата и имињата и презимињата со потписите на електорите кои ја поддржуваат листата.
(22) По приемот на листите, претседателот објавува која листа е валидна, а која не, во согласност со точката (18) од овој Деловник.
(23) Листите ги прогласува претседателот на Собранието утврдувајќи го нивниот реден број (како листа А, листа Б, листа В итн) и го чита носителот на листата и останатите кандидати на листата и имињата и презимињата на електорите кои ја поддржуваат листата.
(24) Претседателот на Собранието го повикува секој носител на листа да даде свое образложение за состав на листата.
(25) Претседателот на Собранието отвора расправа за поднесените листи.
(26) По исцрпувањето на говорниците по листите, претседателот на Собанието го затвора претресот и објавува почеток на гласањето за избор на членови на Советот.
(27) Претставникот на Министерството за човекови и малцински права при Министерскиот совет на Србија и Црна Гора, до претседателот на изборната комисија го доставува списокот на електорите и гласачките ливчиња.
(28) Гласањето го врши изборната комисија пред која секој електор по прозивањето од страна на претседателот на Собранието, пристапува да гласа земајќи едно гласачко ливче и потпишувајќи се на списокот на електорите. Секој носител на листа има право да именува еден набљудувач кој ќе ја следи работата на изборната комисија.
(29) Електорите гласаат тајно на однапред подготвени гласачки ливчиња на кои го впишуваат името на носителот, односно бројот на листата.
(30) Електорите гласаат во посебни боксови поради тајност на гласањето, а гласачкото ливче го спуштаат во гласачката кутија пред изборната комисија.
(31) По завршувањето на гласањето, изборната комисија го пребројува вкупниот број на гласачки ливчиња, констатира колку се важечки, а колку неважечки ливчиња и утврдува колку гласа добила секоја листа, односно ги објавува резултатите од гласањето и кои кандидати од која листа се избрани за членови на Советот.
(32) Бројот на мандатите кои ги добила листата се утврдува со примена на Донтовиот систем, така што вкупниот број на гласови кои ги добила листата се дели со броевите од еден до заклучно со бројот на членовите на Советот. Така добиените количници се поредуваат по големина, при што во предвид се земаат толку најголеми количници колку што Советот има членови.
(33) Мандатите кои припаѓаат на листата се делат спрема редоследот на кандидатите на листата.
(34) Ако избран член на Советот поднесе оставка на членство во Советот, односно ако неговиот мандат престане на друг начин во согласност со Статутот на Советот, за член на Советот се прогласува кандидатот од неговата изборна листа.
(35) Врз основа на резултатите од гласањето објавени од изборната комисија, претседателот на Собранието го прогласува составот на Советот.
(36) На Собранието претседава претседателот на Собранието.
(37) Никој не може да говори пред да побара и да добие збор од претседателот на Собранието. Електорот говори, по правило, од говорница, или од место доколку е обезбедена соодветна техника. Претседателот на Собранието се грижи електорот да не биде попречуван во својот говор. Електорот може да го опомене на ред или да го прекине во говорот само претседателот на Собранието.
(38) Претседателот на Собранието им дава збор на електорите според редоследот на нивното пријавување.
(39) На електор кој сака да зборува за повреда на Деловникот или за повреда на утврдениот дневен ред, (процедурална забелешка), претседателот на Собранието ќе му даде збор штом тој тоа ќе го побара. Говорот на овој електор не може да трае подолго од пет минути, по што претседателот на Собранието е должен да даде објаснување во поглед на повредата на Деловникот, односно на утврдениот дневен ред. Ако електорот не биде задоволен од даденото објаснување, за прашањето се решава без претрес.
(40) Ако електор побара збор да поправи навод кој е неточно изложен или кој дал повод за недоразбирање или предизвикал потреба од лично објаснување, (реплика), претседателот на Собранието ќе му даде збор штом својот говор ќе го заврши оној кој ја предизвикал потребата од поправката. Во својот говор електорот мора да се ограничи на поправката, односно на личното објаснување, а неговиот говор не може да трае подолго од пет минути.
(41) Електорот може да говори само по прашањето што е на дневен ред. Ако електорот се оддалечи од дневниот ред, претседателот на Собранието ќе го повика да се придржува на дневниот ред. Ако електорот и по повторното повикување не се придржува на дневниот ред, претседателот на Собранието може да му го одземе зборот.
(42) Овој Деловник влегува во сила со неговото усвојување од страна на Собранието.
Дел.број 003/2004, 11 декември 2004 година, Белград
Претседател на Електорското собрание за избор на Национален совет на Македонците во Србија и Црна Гора, Лидија Демниева
12.12.2004
|
"srbomanite" vo ..........srbija
