|
|
| Тема |
 Македонски сајбер-криминалци: чираци на бугарските |
|
| Автор | © 2OO4 Bpeмe (Нерегистриран) | |
| Публикувано | 04.12.04 04:15 |
|
|
|
Македонските сајбер-криминалци - чираци на бугарските
Александар Божиновски
Бугарската компјутерска мафија царува на Балканот, а другите сајбер-криминалци, меѓу кои и македонските, се само нивни чираци. До ваков заклучок дошла американска безбедносна служба, која својот наод го презентирала на неодамнешната дводневна меѓународна конференција во Софија. На средбата учествувал и претставник на македонската криминалистичка полиција, потврдија во МВР.
Бојко Борисов, главен секретар на бугарското МВР, соопштил дека во соработка со повеќе меѓународни агенции за борба против овој вид криминал биле уапсени тројцата главни групи криминалци во Бугарија. Истрагата, која почнала лани, резултирала со апење на членовите на „Групата во сенка“, „Светски картаџии“ и на „Темни профити“.
Покрај овие групи, Борисов нагласува дека во Бугарија биле идентификувани уште 16 помали групи со повеќе од 100 члена.
Утврдено е дека овие три групи имале свои соработници во Македонија, арапските држави, Србија и Црна Гора, Русија, Молдавија и во Украина.
Неодамна во Софија бил уапсен Алексеј К. (22), студент на тамошниот универзитет, под сомневање дека фалсификувал кредитна картичка на име Бил Гејтс, најбогатиот човек на светот и сопственик на компјутерскиот гигант „Мајкрософт“. Меѓу државите во кои приведениот ја користел картичката била и Македонија, рекол Борисов.
| |
| |
| 
|
|
