|
Тема |
ПОРАЗИТЕЛНИ ПОДАТОЦИ ОД ЗАВОДОТ ЗА СТАТИСТИКА |
|
Автор | 4-нa oд вpaбoтeнитe нe зeмaaт (Нерегистриран) | |
Публикувано | 20.08.04 03:09 |
|
|
ПОРАЗИТЕЛНИ ПОДАТОЦИ ОД ЗАВОДОТ ЗА СТАТИСТИКА
Четвртина од вработените не земаат плата
Лани во мај без плата биле 25,1 отсто од вработените, а во 2002 година 24,9 отсто. Најлошо работниците поминале во 2001 година, зашто тогаш во ноември е евидентирано дека дури 29,3 отсто работеле за џабе
Четвртина од вработените во државата не земаат плата. Според последните податоци на Државниот завод за статистика, добиени од административни извори, во мај имало вкупно 261. 329 вработени. Од нив 24,3 отсто не добиле пари иако редовно оделе на работа.
Ваквата состојба трае веќе четири години.
Лани во мај без плата биле 25,1 отсто од вработените, а во 2002 година 24,9 отсто. Најлошо работниците поминале во 2001 година, зашто тогаш во ноември е евидентирано дека дури 29,3 отсто работеле за џабе. Двеилјадитата сме ја почнале со само 12 проценти на неисплатени месечни примања.
"Ја следиме работата на 3.600 деловни субјекти. Тука се претпријатија, буџетските установи и дел од приватниот сектор, со што се покрива 70 отсто од вработените во секоја општина", вели Ајрија Чаушоска, раководител во Заводот за статистика. "Во таа бројка не се вклучени вработените во министерствата за одбрана и за внатрешни работи, зашто тие се сметаат за државна тајна, како и земјоделците и лицата кои самостојно вршат некаква дејност".
Сите претпријатија и државни установи секој месец до Заводот испраќаат податоци за бројот на вработени и за нивните плати.
"Се случува работниците да добијат плата со задоцнување од 2-3 месеци, па и повеќе. Ние податоците ги изготвуваме два месеца наназад, така што јунските плати ќе бидат готови некаде кон крајот на август", објаснува Чаушоска.
Пред десет години од вкупниот број вработени без плата биле 15 отсто. Во таа рамка се движел процентот се до 2000 година. Почетокот на деведесеттите, пак, само 3 отсто од вработените во Македонија биле без плата. Статистиката покажува дека сите останати редовно си ги добивале месечните примања.
|
| |
|
|
|