|
|
| Тема |
 „Не мозе“ и за австралиски пасош! |
|
| Автор | He мoзe (Нерегистриран) | |
| Публикувано | 23.07.04 17:07 |
|
|
|
„Не мозе“ и за австралиски пасош!
Македонскиот иселеник Сотир Митров, кој 37 години живее во Мелбурн, деновиве дури четирипати се обиде да ги убеди грчките власти дека во Грција сака само да се види со своите блиски во Лерин и на гробиштата од предците да запали свеќи за помен. Меѓутоа, грчките погранични службеници неговиот австралиски пасош го фрлија на шалтерот и му рекоа - „Не мозе“. Сотир беше упорен, оствари повеќе дипломатски контакти, но граничарите беа упорни и рампата за него остана затворена. Според информациите до кои можевме да дојдеме, наводно Грците имале причина зошто не го пуштаат македонскиот иселеник во својата држава, но сепак, никој не кажа која е таа причина.
Животната сторија на Сотир Митров почнала пред 70 години во леринското село Росен, каде што бил роден, а од 1947 до 1949 година им се придружил на припадниците на комунистичкото движење ДАГ. По виорот на војната, својата младост ја поминал во Белгија, каде што 16 години живеел и работел во Брисел. Оттаму, со својата сопруга Невена, која потекнува од леринското село Лескоец и со која има 4 деца, заминал преку океанот, во Мелбурн. Сотир работел деноноќно и печалел, но не го заборавил стариот крај. Тој со години е еден од најголемите хуманисти во Австралија и е претседател на Австралиско-македонската хуманитарна организација. Им помагал на сите Македонци што пристигнувале во Австралија, а им помага и на сите страни каде што се распрснати. Во Македонија, неговата организација испраќа донации за Црвениот крст, средства за народните црковни кујни, ги помага малопреспанци во Албанија и Отешево...
Сотир помина илјадници километри за да го види стариот крај и да оддаде почит кон починатите.
И овојпат тој не можеше да си ги види корените, ниту да згазне на родната грутка бидејќи Грција, членка на ЕУ, и понатаму покажува некои стари балкански навики.
П. С.
| |
| |
| 
|
|
