|
|
| Тема |
 „Штрк“ падна... Во каква држава живееме? |
|
| Автор | KOMEHTAP - BECHA (Нерегистриран) | |
| Публикувано | 11.03.04 13:39 |
|
|
|
КОМЕНТАР - ВЕСНА ИВАНОВСКА
„Штрк“ падна пред урбанистите
Во каква држава живееме? Грдо звучи, но, за жал, во држава во која многу закони не се почитуваат! Токму државата, преку Министерството за транспорт и врски си даде право пред некој ден „легалноо“ да уништи дел од нашето современо културно наследство. Викендов во центарот на Скопје беше урната куќа (поранешниот познат кафе-бар „Штркк“), која пред 6 години истата држава, преку Заводот за заштита на спомениците, ја прогласи за споменик на културата, репрезент на нашето поново минато.
Скопскиот завод за заштита на спомениците на културата уште лани категорично се изјаснил дека објектот не смее да се урива зашто има статус на споменик на културата. Но, Министерството за транспорт и врски сепак на своја рака издало дозвола на тоа место да се изгради нов објект, иако, според законот, за да издаде таков документ, мора да го испочитува ставот на стручњаците од Заводот.
За да биде иронијата уште поголема, една недела пред уништувањето на куќата, „Дневникк“ предупреди дека на „Штркк“ му се подготвува уривање. За контрадикторниот случај се заинтересира дури и МВР. Но, додека надлежните да изреагираат и додека се тераше законската процедура потребна да се издејствува некаква забрана за уривање, викендов, преку ноќ, споменикот беше срамнет со земја.
Зошто сите толку брзаа да го урнат „Штркк“? Веројатно за да се искористат две временски „дупкии“. Прво, за да се избегне евентуалната забрана за новоградба, која се очекува да стане дел на ревидираниот Детален урбанистички план. Ревизијата не е завршена. „Незгодностт“ беше одговорот на надлежните од подрачната единица на Министерството за транспорт за општина Центар на прашањето дали и зошто набрзина се издаваат дозволи за новоградби. „Ако ревизијата на планот трае предолго, со кое лице да ја одбиеме странката??“- беше целата аргументација на случајот. Е, да, претерано незгодно!
Втора „дупкаа“: деновиве Собранието треба да го усвои новиот закон за културно наследство, според кој Министерството за транспорт и врски повеќе нема да има ингеренции да издава дозволи или забрани за објекти што се прогласени за споменици на културата. Таа законска моќ ќе им биде вратена на Заводите за заштита - право што им беше укинато пред неколку години. Веројатно тогаш инвеститорот никогаш не ќе ја добиеше дозволата за планираната зграда.
Во имотниот лист на објектот „Штркк“ пишува дека е споменик на културата од втора категорија. Тој може да се надградува и да се доградува, но никако не смее да се урива. Но, што е доградба или надградба во споредба со стотици квадрати на новата повеќекатница во најстрогиот центар во Скопје!
Што сега? Според своите законски ингеренции, градскиот Завод поднесе пријава против Министерството за транспорт и врски. Но, дали е тоа доволно? Јавноста има право да бара итно да се истражи случајот и да се сопре изградбата на новиот објект. Де се лоцираат сите што се вмешани во случајот, кои веројатно добро се офајдиле од „дилотт“. Ако не успеавме да го спасиме „Штркк“, барем да знаеме кој и како дозволи да се урне. Колку да ни е „позгодноо“!
| |
| |
| 
|
|
