|
„Сајбер војна“ за историјата на Македонија
Ивана Серафимова
Негирањето на македонската државност, историја, култура, посебност, вековно постоење, па и на државното име, се уште е дел од грчката и бугарска пропаганда и на Интернет. Занимавајќи се со себе, двете страни го наметнуваат „македонското прашање“ како преокупација и проблем на Македонците, кои наводно се уште се спорат и трагаат по својот идентитет.
На интернет-страницата „Мацедониа фривебсајт“ (www.macedonia.freewebspace.com) , чиј автор не застанал со име и презиме, се пишува за „Тајните на Македонија“, вистина позната само за авторот пренесена преку прашања што наводно Македонците „се почесто си ги задаваат“.
„Вистина е дека македонската нација била прогласена од Јосип Броз Тито, претседателот на поранешна СФРЈ, и неговите скопски помошници, чија цел беше постепено да се србизира коренот на бугарското население во Македонија. До 1944 година мнозинството од денешните Македонци се чувствуваа и нарекуваа само и единствено Бугари“, вели авторот во својот уводник. Тој тврди дека „неоспорните документи и докази што 80 години беа забранети во Република Македонија“ ја потврдувале вистината дека не постои македонска нација, бидејќи, како што пишува, за да се создаде, таа треба да има своја национална историја. „Македонската не беше никаква друга освен бугарска национална историја“, тврди авторот. Според него, Гоце Делчев, Питу Гули, Јане Сандански, создавањето на ВМРО и редица други настани и личности од македонската историја се претставени како дел од бугарската.
Грчката интернет-страница „Real Macedonia“ (www.real.macedonia.gr), пак, го третира македонското прашање преку грчки визир. Пишувачот на сајтот ги нарекува Македонците збунети фиромјанци.
„Некои од нив веруваат дека потекнуваат од античките Македонци, некои сметаат дека може да се нарекуваат Македонци бидејќи живеат во дел од она што некогаш беше античка Македонија. Некои сметаат дека се Македонци, но дека не се директно поврзани со античките Македоци. Дел верува дека се Македонци бидејќи сметаат дека имаат слободно право да се нарекуваат како што сакаат“, полезимира авторот на страницата.
„Борбата за македонската државност, особено во 19 век, е вкотвена во традициите на државата на Филип Втори и на Александар Велики. На тие врски се повикувале актите и на Кресненското востание од 1878 година - на Националното собрание на Македонија и на привремената влада на Македонија од 1880 и 1881 година“, пишува на претседателскиот сајт. Во текстот понатаму се вели дека македонската државност се поврзува и со Самоиловото царство од крајот на 10 и почетокот на 11 век како со држава на ист народ, по чие пропаѓање стремежот за сопствената државност никогаш не згаснал, за што сведочат многубројните востанија против туѓите владетели.
Грчкиот пишувач на македонската историја оди подалеку, па наведува дека Република Македонија, иако денес окупирала 25 проценти од античка Македонија, немала право да ги краде македонската историја и култура.
„Името Република Македонија имплицира територијална закана против Грција и другите земји и создаваа голем ризик за обновување етнички конфликти на Балканот“, сметаат креаторите на „Real Macedonia“.
Тие во секој случај се совпаѓаат со бугарскиот интернет-колега тврдејќи дека „ФИРОМ никогаш не се нарекувала Македонија до пред Втората светска војна“ и дека ова име и било дадено од Тито со цел да создаде конфликт во регионот и да присвои грчки и бугарски територии.
КОМЕНТАРИ
Zoran Cvetanovski (Skopje)
Вторник, 24 Февруари 2004
Nema potreba od vozbuduvanje. Takvi manijaci za analizi na istorijata ne se nisto novo, Duri smetam deka nemalo potreba da se objavuvaat takvite sodrzini.
Joco (Kumanovo)
Вторник, 24 Февруари 2004
Ko im j... mater, oni ne su normalni a mi tuj nisto nemozemo da im pomognemo.
Bulgaro-Macedonian (USA)
Вторник, 24 Февруари 2004
Ивана, дали си прочитала што пишува во Таjните на Македониjа? Кажи ми молим те што во тие историски документи не е верно? Мислам тешко некоj може да докаже дека до земането на власта од комунистите во 1944 година мнодинството Македонци не се сметали себеси за Бугари по националност. По дури и сега Албанците, Власите и другите малцинства на нивните jазици не нарекуваат Бугари, а не Македонци. А во слободниот свет се до 1950 година нема ниедна "Македонска" организациjа сите се организации на Бугарите од Македониjа каква е и наjстарата МПО...
|
„Сајбер војна“ за историјата на Македонија
