|
Тема |
Најголемиот дел од граѓаните |
|
Автор | 8O eвpa (Нерегистриран) | |
Публикувано | 20.12.03 20:08 |
|
|
Најголемиот дел од граѓаните за новогодишната ноќ ќе останат дома, покрај скромната трпеза. Тоа ни го налага економската ситуација во која се наоѓаме велат тие.
Оние со подлабок џеб пак, имаат избор. За нив се погрижија туристичките работници со големиот број новогодишни аранжмани.
До лани, најпосетувани за новогодишната ноќ беа Истамбул, Солун, Атина. Оваа година има нов тренд за дочекот на најлудата ноќ.
Најбарана новогодишна дестинација е чартер летот за Шарм ел Шеик кој на почетокот на декември веќе бил распродаден, иако цената за 8 дневен аранжман, вклучувајќи го дочекот на 2004-тата изнесува од 600 евра за хотел со три ѕвезди, до 930 евра за хотелите со две ѕвезди повеќе.
За девет дневен аранжман за Дубаи треба да се издвојат 900 евра, цената за Тунис е од 700 до 800 евра. Доколку се решите најлудата ноќ да ја поминете на Малдиви, во туристичките агенции ќе треба да уплатите 1.700 американски долари.
Во цената на полупансионскиот аранжман вклучени се авионските билети, разгледувањето на знаменитостите, но не и визите, аеродромските такси, влезниците за музеите.
Младите веќе се подготвуваат новогодишната ноќ да ја поминат во некој од нашите зимски центри. Цената за овие аранжмани во хотелите во Маврово е од 1.800 до 2.000 денари, само за дочек на Нова Година.
Викендичките се изнајмуваат за 80 евра од ден.
|
| |
|
|
|