|
|
| Тема |
 Да се знае дека сме Срби! |
|
| Автор | 3aфиp Xaџимaнoв (Нерегистриран) | |
| Публикувано | 19.12.03 13:43 |
|
|
|
белград
Зафир кандидат за српски пратеник
Македонскиот пејач и актер Зафир Хаџиманов, кандидат на партијата Либерали на Србија за пратеник во српското собрание, ги отфрли обвинувањата од Српскиот народен театар дека за политички цели искористил театарска претстава, јави Макфакс.
Хаџиманов е на петтото место на листата од вкупно 249 кандидати на ЛС, запишан како пензионер со домашна адреса во Нови Београд.
СНТ го обвини Хаџиманов дека по претставата "Виолинист на покривот" го искористил обраќањето до публиката, за лично да го поздрави својот партиски лидер Душан Михајловиќ.
Хаџиманов изјави дека на публиката и ги честитал претстојните новогодишни и божикни празници и оти личниот поздрав до Михајловиќ нема политичка заднина. Хаџиманов истакна дека го поздравил Михајловиќ за да издејствува претставата "Виолинист на покривот" да остане репертоарот. Диригентот Михајловиќ е нов директор на Белградската опера.
Српската Републичка изборна комисија објави дека за парламентарните избори на 28 декември се регистрирани кандидатски листи на 17 партии или коалиции и една листа на група граѓани.
Според хронолошко рангирање, на листата се Г17 Плус, со Мирољуб Лабус како носител на листата, Српската радикална партија - Воислав Шешељ, Демократската партија на Србија - Воислав Коштуница, Демократската алтернатива - Небојша Човиќ, Демократската партија - Борис Тадиќ, коалицијата Српско движење на обнова и Нова Србија - Вук Драшковиќ и Велимир Илиќ, движењето Отпор, коалицијата За народно единство - Борислав Пелевиќ и Маријан Ристичевиќ, Социјалистичката партија на Србија - Слободан Милошевиќ, Самостојна Србија - Владан Батиќ, Одбрана и правда - Вук Обрадовиќ и Боривоје Боровиќ, Заедно за толеранција - Ненад Чанак, Јозеф Каса и Расим Љајиќ, Либерали на Србија - Душан Михајловиќ, Реформисти-социјалдемократски партии на Војводина и Србија - Миодраг Миле Исаков, Социјалистичка народна партија и Народен блок - Небојша Павковиќ, листата на група граѓани Стопанска сила на Србија и дијаспората - Бранко Драгаш, Лабуристичка партија на Србија - Драган Миловановиќ и Сојузот на Србите од Војводина - Душан Салатиќ.
| |
| |
| 
|
|
