|
|
| Тема |
 Турчинот Коч гради грандиозен центар во Скопје |
|
| Автор | Юckюп Юckюп (Нерегистриран) | |
| Публикувано | 23.10.03 12:24 |
|
|
|
СЕ ПРЕГОВАРА ЗА ГОЛЕМА ЗДЕЛКА
Турски милијардер ќе гради грандиозен центар во Скопје?
Еден од најбогатите луѓе во светот, Рахми Коч, чие лично богатство е проценето на околу 2 милијарди долари, планира да изгради голем шопинг и деловен центар во строгиот центар на Скопје, дознава "Дневник". Турскиот бизнисмен ја побарал локацијата позната како Осми колосек на Стара железничка станица. Според нашите извори, Владата не само што е расположена да го одобри влезот на компанијата "Коч" во земјава, туку сега најверојатно и ќе се трка со Белград.
Владини извори вчера ни потврдија дека интензивно разговараат турската фирма "Коч холдинг" да инвестира во Македонија. Големиот шопинг и деловен центар треба да се гради кај Старата железничка станица и нашите извори во Владата потврдуваат дека нема никакви проблеми да се даде земјиштето бидејќи тоа е државно.
"Коч-холдинг" е во 500-те најголеми компании надвор од САД, според рејтингот што го направи американскиот магазин "Фортјун". Холдингот вработува 50.000 лица, а годишниот обрт на капиталот е 10 милијарди долари. "Коч холдинг" се состои од околу 100 компании. Од нив најпознати се компаниите за производство на автомобили "тофаш", со лиценца на италијанскиот "Фиат", и на "Форд отосан".
Во состав на холдингот се фабриките за производство на електрични апарати за домаќинство "Арчелик" и фабриката за телевизори "Беко". Другите компании се занимаваат со рударство, енергетика, производство на храна, градежништво, транспорт, хотелиерство, банкарство, телекомуникации и друго. "Коч- холдинг" е присутен во Европа, Америка, Африка и во Азија. Формирана е во 1926 година од Ахмет Вехби Коч, а годинава моќниот бизнисмен Рахми Коч ја предаде компанијата на управување на својот најстар син, Мустафа.
- Интензивно работиме светскиот бизнисмен Рахми Коч да инвестира во Македонија. Тој сака да изгради бизнис и шопинг-центар кај Стара железничка станица во Скопје. Но, "Коч-холдинг" е заинтересиран да гради деловен центар и во Белград. Трката е светскиот бизнисмен да вложи во Македонија. Не смееме да пропуштиме таква инвестиција. Ситуацијата со бараната локација кај Стара железничка е чиста зашто земјиштето е државно. Треба да се направат само некои измени на деталниот урбанистички план - велат во Владата.
Владините извори не соопштуваат детали за деловниот центар "Коч" освен што потврдија дека центарот ќе биде со импозантна големина.
Мариела Трајковска
| |
| |
| 
|
|
