|
|
| Тема |
 Македонија добила спорна територија |
|
| Автор | 2/3 oд 2.5OO xekтapи (Нерегистриран) | |
| Публикувано | 18.10.03 14:09 |
|
|
|
Има ли отстапување меѓу новата и старата граница спрема северниот сосед
Македонија добила две третини од спорните 2.500 хектари
Слободанка Јовановска
Реонот Кодра Фура на границата со Србија и Црна Гора
Директните преговори меѓу Белград и Приштина во Виена може да го отворат патот за конечно обележување на границата меѓу Косово и Македонија која, и покрај фактот дека е меѓународно призната и потврдена од ОН, ЕУ и сите релевантни земји , и натаму чека подобри времиња. Иако демаркацијата од тромеѓето меѓу Србија, Бугарија и Македонија почна одамна, и според официјални извори полека напредува, делот спрема Косово (кој е најважен за Македонија поради оружените упади и илегалните влегувања), поради противењата и реакциите на тамошната локална управа ниту е почнат, ниту пак се знае кога воопшто ќе се создадат услови за демаркацијата.
Официјални извори вчера го демантираа тврдењето на експремиерот Љупчо Георгиевски дека демаркацијата спрема Косово е замрзната поради оцената на САД дека, така како што е утврдена и нацртана, не е легитимна и навлегува со 2.500 хектари на косовска територија, со поента дека Вашингтон е тој кој и натаму практично ја оспорува легитимноста на границата, иако јавно изјави дека ја признава. Според овој извор, точно е дека САД утврдиле отстапување меѓу новата и старата административна граница со Косово, т.е. Србија, од 2.500 хектари, но дел од тоа (една третина) ?отишол" како нова територија во Косово, а две третини се приклучени на Македонија. Сепак, Пентагон, кој организирал и спровел експертска анализа на новата граница, при презентацијата на наодите во Скопје и два дена подоцна пред целото косовско раководство во Приштина, застанал зад ставот дека линијата не е иста со административната, но е многу попрофесионално исцртана и поприродно приспособена на конфигурацијата на теренот, па како таква не е неправедна. Оцена на презентерите во Скопје и во Приштина била дека САД не можеле да детектираат лоша намера во утврдувањето на границата спрема Косово и затоа не ја спорат, туку ја поддржуваат. Спорните хектари се околу селото Танушевци и околу Кодра Фура, а станува збор за пасишта и шуми кои се сметаат за незначителни како територија, но го иритираат локалното население, а делумно и приштинската власт, бидејќи смета дека морала да биде прашана. Спорните хектари се причина што сў уште не е отворен привремениот премин Танушевци-Дебалде и што обидите да се стори тоа беа дочекани со истрели и напади од таа страна.
| |
| |
| 
|
|
