|
Тема |
пукна првата пушка во Прилеп и Куманово |
|
Автор | 11 okтoмвeи (Нерегистриран) | |
Публикувано | 12.10.03 10:30 |
|
|
ГОДИШНИНА ОД 11 ОКТОМВРИ
Борците ќе се потсетат на првата востаничка пушка
"Средба на генерации" е мотото на централната манифестацијата што по повод 11 Октомври ќе се одржи вечерва во Прилеп. На прославата за денот-темелник на македонската современа држава, пред околу 300 ветерани и гости ќе говори претседателот на Сојузот на борците, Арсо Арсовски, а во чест на празникот ќе биде положено цвеќе на Могилата на непобедените и во Алејата на народните херои во Прилеп.
За празникот, во Прилеп ќе биде поставен камен-темелник на пречистителна станица за вода пиење со капацитет од 60 литри во секунда, во која ќе бидат инвестирани околу 600 илјади евра.
По повод 62-годишнината од антифашистичкото востание, а во рамките на одбележувањето и на 100 години од Илинденското востание и од македонската државност, синоќа во Македонскиот народен театар беа промовирани новите златни монети на Народната банка на Македонија.
Во македонското Собрание денеска ќе бидат доделени државните награди "11 Октомври" за долгогодишни и особено значајни остварувања во сферата на науката и образованието, културата и уметноста и во новинарството. Во областа на науката и образованието наградата им се доделува на Институтот за македонски јазик "Крсте Мисирков" од Скопје и на проф. д-р Љупчо Ајдински, дефектолог од Скопје. Во областа на културата и уметноста добитници на годинашната награда "11 Октомври" се Тале Огненовски, виртуоз на кларинет, и Зоица Пуровска-Велевска, примабалерина од Скопје. Новинарот од Скопје Борис Поп-Ѓорчев е добитник на наградата за остварување во новинарството. (Љ.М.)
|
| |
|
|
|