|
|
| Тема |
 Албанско-македонска сапунена опера |
|
| Автор | 4 дeл (Нерегистриран) | |
| Публикувано | 06.08.03 12:17 |
|
|
|
ТЕРИТОРИЈАЛНА ПОДЕЛБА
ДУИ сака албанска општина во Скопје
Според предлозите, тоа треба да се направи со конституирање на новата општина Кале или со промени на границите на постојната општина Чаир
Демократска унија за интеграција ќе инсистира во новата територијална поделба на земјата, во Скопје да биде оформена една општина што ќе има доминантно албанско етничко население, дознава "Дневник" од партиски извори. Тоа, според информациите, треба да се направи со конституирање на новата општина Кале или со промени на границите на веќе постојната општина Чаир.
Ваков став бил заземен на прексиноќешната седница на партиското претседателство, на која се расправало за најавеното менување на бројот и на границите на општините во земјава.
- Ние не сме задоволни од тоа како се направени границите на општините на подрачјето на Скопје. Сметаме дека треба да се најде начин да биде конституирана макар една општина во која би имало доминантно албанско етничко население - изјави вчера еден функционер на ДУИ.
На седницата на врвот на таа партија голема полемика се водела и за прашањето дали општината Липково треба да остане самостојна или да биде припоена кон Куманово. Според информациите, кумановскиот разгранок на ДУИ инсистира овие две општини и понатаму да бидат одвоени и по никоја цена да не се спојуваат.
- Ова не е во интерес на партијата, која смета дека тие две општини треба да бидат една - изјави функционерот на ДУИ.
Министерот за локална самоуправа, Александар Гештаковски, неодамна најави дека бројот на општините во Македонија од 123 најверојатно ќе се намали на 60. Тој рече дека досега не се појавиле "битни разидувања меѓу СДСМ, ЛДП и ДУИ".
| |
| |
| 
|
|
