|
|
| Тема |
 „Макстил" ќе го удвои извозот во Бугарија |
|
| Автор | Утpинckи вecниk (Нерегистриран) | |
| Публикувано | 30.06.03 22:10 |
|
|
|
Црната металургија една од ретките светли точки во размената со источниот сосед
„Макстил" ќе го удвои извозот на челични производи во Бугарија
ВИОЛЕТА ЦВЕТКОВСКА
Една од поуспешните стории во македонско-бугарските деловни односи е на ?Макстил" од Скопје, фирмата на швајцарски ?Дуферко" која го држи јадрото на Скопската железарница. Таа заедно со дебарската гипсара ?Кнауф" се едните од ретките и најголемите извозници на македонски производи во соседна Бугарија и ?пеглачи" на трговскиот дефицит што го има нашата земја со источниот сосед. Само ?Макстил" со своите производи учествува со 15 до 20 отсто во вкупната размена на Македонија со Бугарија. Ова беше една од констатациите на софиската средба на македонските со бугарските стопанственици минатиот понеделник и на која беа искажани поразителни резултати од меѓусебната размена, која во обем едвај достига 140 милиони долари, од кои дефицитот на Македонија е околу 110 милиони долари.
Соработката што ?Макстил" ја воспостави со бугарските партнери во областа на црната металургија, според зборовите на претседателот на компанијата, Минчо Јорданов, е дел од концептот за развивање на еврорегионалната соработка, која е потпомогната и од Пактот за стабилност и од ЕУ и во која иницијатива спаѓа идејата за поврзување на металните комплекси од трите соседни земји - Македонија, Бугарија и Србија и Црна Гора.
?Ако досега разменуваме производи во вредност од 15 милиони долари, нашите проекции за следната година се дека вредноста на размената ќе се зголеми на 20 до 25 милиони долари. Од ова, само извозот на лимови и други производи на ?Макстил" за бугарските партнери, кој годинава изнесуваше 2,5 до 3 милиони долари, ќе се удвои и ќе достигне 6 милиони долари", вели Јорданов.
Сепак, според Јорданов, проблеми во соработката и натаму постојат и тоа првенствено во отсуството на финансиско-банкарските системи. ?За големи зделки се потребни и големи банки кои ќе го следат производството и размената, а такви моментално нема", вели тој.
И покрај договорите за слободна трговија, кои по вокација во голема мерка ја олеснуваат трговијата меѓу земјите во регионот, отсуството на инфраструктура од повеќе видови е сериозен проблем.
?Почнувајќи од отсуството на транспортна инфраструктура, пред сў на железничкиот превоз, кој во значителна мера ќе го поевтини нашиот производ, а со тоа ќе го направи поконкурентен и прифатлив за пазарот, отсуствува и поголемо енергетско поврзување. Пред сў, мислам на електричната енергија, и покрај изградбата на 400- киловолтниот далновод", вели Јорданов. Тој нагласува дека главен проблем останува начинот на плаќање и разработени системи на плаќање, што двете страни ги прави несигурни во работењето. Но, додава, ?сега сме на пат да изнајдеме една заедничка коресподентска банка, тоа е странска банка која е присутна во двете држави, со што значително ќе ја подобриме соработката и вкупните деловни односи".
| |
| |
| 
|
|
