|
Тема |
„Паднаа маските на браќата Срби“ |
|
Автор | Mитpoпoлит Пeтap (Нерегистриран) | |
Публикувано | 28.05.03 18:59 |
|
|
Митрополит Петар: „Паднаа маските на браќата Срби“
28.05.2003
„Паднаа маските од браќата Срби и проблемот не е во Македонската православна црква, туку прашањето е како ќе се вика Република Македонија“, изјави синоќа за битолската телевизија „Тера“ владиката Петар.
„Во прашање е постоењето на оваа држава, а тоа знаеме кому пречи. Ако МПЦ се откаже од името, тогаш преку меѓународен притисок ќе се издејствува и промена на името на државата“, рече митрополитот Петар, зборувајќи за наводната теза дека преку автономија МПЦ ќе се стекне со автокефалија, како што предлага СПЦ.
За наводната јурисдикција на СПЦ на просторот на Република Македонија, владиката Петар се повикува на одлука на СПЦ од 50-тите години на минатиот век, во која се вели дека уставот на СПЦ не важи за епархиите и оваа црква.
Владиката Петар повтори дека митрополитот Кирил на седницата на Синодот, но и вчера, потврдил дека ако тој е пречка за признавање на автокефалноста на МПЦ, тој ќе се повлечи од митрополит и ќе замине во манастир.
И свештенослужителите од Скопската епархија едногласно го поддржуваат Синодот на МПЦ во отфрлањето и прогласувањето за неважечки на одлуките, решенијата и ставовите од САС на Српската православна црква, а и доколку во иднина има вакви одлуки и тие ќе бидат неважечи и неприфатливи.
„МПЦ има единствена и неделива организација и самостојно ги уредува црковните дејности и управува со нив“, се вели во Резолуцијата, преку која свештенослужителите од Скопската епархија порачуваат дека „никогаш и под никакви услови нема да се откажат од името на својата Македонска православна црква и од нејзиниот автокефален статус“.
Свештенослужителите апелираат до Синодот на МПЦ да го забрза процесот за расчинување на поранешниот митрополит повардарски Јован.
Демократска алтернатива, пак, отфрлајќи ги последните ставови на Српската црква, смета дека „СПЦ длабоко навлегла во политичките води градејќи подолго време негативен став кон Република Македонија, македонскиот народ и неговите институции, меѓу кои и МПЦ“.
Проблемот не е во МПЦ, туку во името на Република Македонија
.....
Jovan ke go bricime... so tup Gillette Sensor
|
| |
|
|
|