|
Тема |
„Матрикс Релоудед“ |
|
Автор | Bapдap 1 (Нерегистриран) | |
Публикувано | 23.05.03 23:18 |
|
|
„Матрикс Релоудед“ од вечерва во киното Вардар 1
Александра Бубевска
23.05.2003
Дистрибутерот Манаки филм за вечерва во киното Вардар 1 ја најави македонската премиера на овој планетарно популарен филм
Светската премиера на Матрикс Релоудед второто продолжение на научнофантастичната сага за борбата на луѓето против машините се одржа на 15 мај на отворањето на годинашниов Канскиот филмски фестивал. Дистрибутерот Манаки филм за вечерва во киното Вардар 1 ја најави македонската премиера на овој планетарно популарен филм кој го промени жанрот и направи исчекор во употребата на високотехнолошките специјални ефекти.
Од март 2001 до јули 2002 година на локации во Австралија и Сан Франциско се снимаа двете продолженија Матрикс релоудед и Матрикс Револуции кој ќе се прикажува во ноември. Буџетот на овие филмови изнесува фантастични 300 милиони долари. Во Матрикс релоудед Нео Киану Ривс и неговите пријатели Морфеус и Тринити го спасуваат последниот град на луѓето Зион од нападот на машините кои ги имаат заробено луѓето во светот на виртуелната реалност.
Филмот трае 138 минути и е збогатен со нови ликови и нови уште покомплицирани акциски сцени. Матрикс стана култен филм и заради неговите мистериозни автори браќата Лари и Енди Ворчовски тие и овој пат успееја и sвездите како Киану Ривс Лоренс Фишбурн Кери Ен Мос Хуго Вивинг и Моника Белучи да ги убедат да снимаат без каскадери, а целата екипа да биде крајно посветена и безрезервно да верува во проектот.
Но, секако најфантастични се податоците за специјалните ефекти постигнати во продолженијата на Матрикс, за потребите на филмот изградени се 150 мамутски филмски сетови, злобните агенти имаат неограничен број на тела во кои се материјализираат, а врв на се е проколнатиот автопат долг 2 милји изграден во Алмеда само за потребите на филмот, а само една сцена во траење од 17 минути чинела 63 милиони долари. А оваа нова сага на третиот милениум веЌе привлекува рекорден број гледачи и исто толку рекордни заработувачки.
|
| |
|
|
|