|
|
| Тема |
 1. 400 македонски земјоделци станале Бугари |
|
| Автор | EBPOПEEЦ (Нерегистриран) | |
| Публикувано | 08.05.03 10:51 |
|
|
|
НОВА НАВАЛИЦА ЗА БУГАРСКИ ПАСОШИ
Со бугарскиот пасош на Македонците не им треба виза за земјите со кои Бугарија има договори за укинување на визниот режим, и тие слободно можат да одат таму и да работат на фармите, каде за три месеци заработува
Македонските земјоделци во текот на изминативе неколку месеци масовно аплицираат за добивање на бугарско државјанство. Само во октомври минатата година, според Вељо Тантаров, претседател на Сојузот на земјоделци, 1.400 производители од битолскиот крај поднеле барање за да станат државјани на Бугарија. Поголемиот дел од нив бугарско државјанство и пасош добиле веднаш, а на другите тоа им успеало во вториот обид.
"Откако ќе станат Бугари со македонско потекло, тие заминуваат во западните земји каде што работат најчесто на сточарските фарми и за три месеци заработуваат десет пати повеќе пари отколку што годишно ќе заработат од продажбата на своите производи во Македонија", кажува Тантаров. Тој објаснува дека со бугарскиот пасош на Македонците не им треба виза за земјите со кои Бугарија има договори за укинување на визниот режим, и тие слободно можат да одат таму и да работат. Поголемиот број од оние што аплицирале, со исклучок на тие што се изјаснуваат дека се чувствуваат како Македонци, без никаков проблем добиваат бугарски пасош. "Оние што по националност се изјасниле како Македонци, по неколку месеци повторно поднесуваат барање и тогаш за да го добијат државјанството кажуваат дека се чувствуваат како Бугари", вели тој.
Причините, според претседателот на Сојузот на земјоделците, за зголемениот интерес за бугарско државјанство се скапите репроматеријали, даночните оптоварувања и укинатата премија за земјоделците.
Од бугарскиот конзулат потврдуваат дека изминативе години има тенденција за зголемување на бројот на Македонци кои аплицираат за бугарско државјанство. "Точната бројка не можеме да ја кажеме, оти голем број од нив барањата ги поднесуваат директно во Министерството за правда во Софија", објаснуваат од бугарската амбасада. Според нив, државјаните на Бугарија не треба да вадат визи за сите земји од Европската унија, додека за САД е потребна виза
ВЕСТ - Година: 3 Број:801 Понеделник 3/10/2003
| |
| |
| 
|
|
