Клубове Дир.бг
powered by diri.bg
търси в Клубове diri.bg Разширено търсене

Вход
Име
Парола

Клубове
Dir.bg
Взаимопомощ
Горещи теми
Компютри и Интернет
Контакти
Култура и изкуство
Мнения
Наука
Политика, Свят
Спорт
Техника
Градове
Религия и мистика
Фен клубове
Хоби, Развлечения
Общества
Я, архивите са живи
Клубове Дирене Регистрация Кой е тук Въпроси Списък Купувам / Продавам 17:03 26.01.20 
Клубове/ Политика, Свят / Македония Всички теми Следваща тема Пълен преглед*
Информация за клуба
Тема „Света Богородица Перивлепта„
Авторпpинцип (Нерегистриран) 
Публикувано20.07.02 02:33  



Во црквата „Света Богородица Перивлепта„ во Охрид одбележана 35-годишнината од автокефалноста на МПЦ
Г.г.Стефан: Црква по национална основа не е грешка, туку принцип
СИМЕ ИЛИЕВСКИ



владиката Кирил

Македонската православна црква вчера во Охрид ја одбележа 35-годишнината од автокефалноста на МПЦ. Централната свеченоста се одржа во црквата ?Света Богородица Перивлепта°, или во народот позната како ?Свети Климент Охридски°, каде што се одржа божествена литургија со која чиноначалствуваше поглаварот на МПЦ, г.г. Стефан, во сослужение со другите членови на Синодот. По одржувањето на свечената архијерејска литургија, на која, меѓу другите, присуствуваа и претседателот на Републичката комисија за односи со верските заедници, Ѓорѓи Наумов и министерската за култура, Ганка Самоиловска-Цветанова, поглаварот на МПЦ, г.г. Стефан, одржа празнично слово по повод 35-годишниот јубилеј од возобновената самостојност на МПЦ.

Архиепископот охридски и македонски, потсетувајќи се на трагичното 1767 лето, кога е укината самостојноста на нашата Црква, рече дека одбележувајќи ја 35-годишнината, всушност, одбележуваме историски настан кој значи пресврт во духовното живеење на македонскиот човек. ?Но, ако сите помесни цркви се организирани на национална основа, тогаш во што е гревот што ние Македонците ја имаме Охридската архиепископија, што ја имаме Македонската православна црква. Или, ако оваа Охридска црква му припаѓаше на некој друг, сите тие ја имаа можноста да ја возобноват, но не го сторија тоа зашто не беше нивна°, изјави поглаварот Стефан. Прашувајќи ги присутните дали Србите, Грците, Бугарите, Романците, Чесите, Словаците, Пољаците, Финците или Албанците згрешиле што посакале свои цркви за својот народ, поглаварот на МПЦ одговори дека никој не направил грешка, додавајќи дека тогашниот архиепископ Доситеј и нашите соборјани треба да им се ?позлатат рацете° што прогласија возобновување на Охридската архиепископија.

?Пак ќе прашам, зошто с? уште ни го спорат она што и самите го барале и зошто н? обвинуваат за она што и самите го направиле? Ќе бевме многу порадосни ако сестринската и другите помесни цркви собереа сили и најдеа барем малку разбирање и ја прифатеа нашата реалност. Но, и покрај пречките, должни сме да продолжиме да живееме со Црквата и за Црквата наша Македонска, чувајќи ја од сите кои сакаат да го попречат нејзиниот незапирлив од°.

Во своето празнично слово поглаварот на Македонската православна црква, г.г. Стефан, меѓу другото, потсети дека под сводовите на црквата ?Св. Богородица Перивлепта° петмината членови на тогашниот Синод, архиепископот охридски и македонски г.г. Доситеј, митрополитите преспанско-битолски Климент, злетовско-струмички Наум и епископите велички Методиј и тивериополски Кирил ја донеле, а избраните црковно-народни претставници во црквата ?Света Софија° ја потврдија и изгласаа Одлуката за целосно возобновување на Охридската архиепископија како жив темелник на МПЦ.

?Настанот беше вистинско ново сеопшто воскресение не само за нашата света апостолска Црква, туку и за нашиот богољубив народ. Ја отстранивме тешката неправда што и беше нанесена на нашата Црква во 1767 година со незаконското укинување на древната и славна Охридска архиепископија, кога беше прекинат нејзиниот крвоток од страна на иноверната отоманска власт. Ја отстранивме таа неправда, ја вративме честа и достоинството на македонскиот народ и на нашата Црква и на родната, мила библиска Македонија°, изјави вчера владиката Кирил, еден од членовите на Синодот, кој во 1967 година ја донесе Одлуката за автокефалноста на Македонската православна црква, тогашен епископ тивериополски, а сега митрополит полошко-кумановски.



Клуб :  


Clubs.dir.bg е форум за дискусии. Dir.bg не носи отговорност за съдържанието и достоверността на публикуваните в дискусиите материали.

Никаква част от съдържанието на тази страница не може да бъде репродуцирана, записвана или предавана под каквато и да е форма или по какъвто и да е повод без писменото съгласие на Dir.bg
За Забележки, коментари и предложения ползвайте формата за Обратна връзка | Мобилна версия | Потребителско споразумение
© 2006-2020 Dir.bg Всички права запазени.