|
Тема |
"Вечера за глупаци", |
|
Автор | Бyrapиa (Нерегистриран) | |
Публикувано | 17.07.02 02:19 |
|
|
На "Охридско лето" гостува Државниот сатиричен театар од Бугарија
"Вечера за глупаци", претстава на познатиот Јиржи Менцел
Втората театарска претстава (по саботната изведба на "Собрани дела на Вилијам Шекспир" на Драмски театар од Скопје), која ќе биде одиграна во рамките на овогодишното издание на културната манифестација "Охридско лето" е "Вечера за глупаци" на Државниот сатиричен театар "Алеко Константинов" од Бугарија. Оваа госувачка претстава, која според текстот на Франсис Вебер, ја режираше познатиот чешки режисер Јиржи Менцел, ќе биде одиграна вечерва, со почеток во 21 часот, во предворјето на црквата Св. Софија во Охрид.
Претставата е најавена како едно од најинтересните театрски случувања оваа година на "Охридско лето", а покрај неа ќе бидат одиграни уште пет гостувачки претстави, од кои едната, "ММЕ..." според текстот на Дејан Дуковски, на сцената на познатиот театар "Иван Вазов" од Бугарија, ја режира нашиот млад режисер Дејан Пројковски. Во деновите кои следат ќе гостуваат и Црногорско народно позориште со претставата "Монтенегрини", Националниот театар од Атина, Грција, со Шекспировата "Со сила убавина не бива", Народно позориште од Белград, Југославија, со "Хасанагиница" и претставата "Куќата на куклите - Тобелија", копродукција на Фестивалот Ех Понто од Љубљана и Црногорско народно позориште. Домашната театрска продукција на фестивалот е застапена со четири претстави: веќе одиграната "Собрани дела на Вилијам Шекспир" да Драмски, "Опасни врски" на МНТ, "Мацедоине - Одисеја 2001" (со која се отвори минатогодишното издание на "Охридско лето") и "Семејни приказни" на Народниот театар од Битола, која премиерно ќе биде изведена на 12 август, како завршница на драмскиот дел од програмата на фестивалот. (Л.М.)
|
| |
|
|
|