|
|
| Тема |
 Владата изненадена од намерата на Бугарија |
|
| Автор | 24 Maj вo Oxpид (Нерегистриран) | |
| Публикувано | 13.04.02 04:48 |
|
|
|
ПО НАЈАВАТА НА БУГАРСКИОТ АМБАСАДОР
Владата изненадена од намерата на Бугарија во Охрид да го слават Свети Кирил и Методиј
Во Владата нема официјално барање за таква манифестација и не сака да го коментира тоа, изјави портпаролот Ѓорѓи Трендафилов
Македонската Влада е изненадена од најавата на бугарскиот амбасадор Александар Јорданов во земјава да организира "одбележување на празникот на бугарската писменост и култура - 24 Мај во Охрид".
- Првпат слушам за тоа. Во Владата нема официјално барање. Заради тоа, во моментов не би го коментирал тоа - изјави вчера Ѓорѓи Трендафилов, владиниот портпарол.
Во интервјуто за Бугарското национално радио амбасадорот Јорданов изјавил дека на прославата во Охрид ќе бидат поканети неколку бугарски музички уметници. Тој очекувал бугарското Министерство за култура да подготви специјални признанија и одликувања за македонски творци што се истакнале во унапредувањето на бугарско-македонските културни врски.
- Не сме добиле ниту најава ниту барање од бугарска институција дека ќе се организира таква прослава- изјави вчера Оливер Шамбевски, портпаролот на Министерството за култура.
Со намерата на бугарскиот амбасадор не се запознаени ниту во Министерството за надворешни работи.
Денот на сесловенските просветители свети Кирил и Методиј, 24 Мај во Македонија традиционално се прославува со низа манифестации. Круната на чествувањето е да им се оддаде почит на гробот на светите браќа во базиликата на црквата "Сан Клементе" во Рим. Во Собранието на Охрид вчера не информираа дека не планираат одржување на посебна манифестација по повод празникот. (Б.Ѓ.)
| |
| |
| 
|
|
