"...Сигнал за тяхната атака е речта му, произнесена при посрещането му в София. В нея той заявява, че желае "да се нарече освободител не само на България,, но дай бог и на цяла Македония и Тракия" ( tri subjekta Bugarija - Trakija - Makedonija ) ........ Когато научава, че в Кресна българите удържат победи, той "изявява особена радост и подчертава, че трябва да се засили това похвално дело на българския народ".4
Правила на Македонскиот Востанички комитет
Македонскиот востанички комитет озаконува. 1878
Познато ни е на сите нас дека злосреќната наша земја Македонија поради причини за егоистички цели од страна на големите сили и е оставена пак на Турција по Берлинскиот конгрес. Во резултат на тоа дојде во одделните области на нашата татковина до многу крвави сцени познати на секого. Во желба да го отфрлиме од нашата таковина турскиот јарем, сакој од нас, кој колку може, станавме да се жртвуваме, бидејќи од секого од нас е нужна помош. Ние востанвме како поборници на слободата. Со нашата крв што ја пролеваме низ полињата и горите македонски ние служиме како, македонската војска на Александар Македонски, за слободата со нашата девиза: „Слобода или смрт!„
Меѓутоа, поради настаните и ослободувањето на голем број села од нашите востаници и вопијуштите потреби да се воведе ред во земјата каде што дејствуваат востаниците, решивме да поднесеме едни правила од Македонскиот востанички комитет, односно Устав, по кој сите ќе се управуваме и сите ќе ги исполнуваме додека не ја ослободиме целата наша татковина Македонија.
Целта на востанието во Македонија
1. Востанието во Македонија, кое сега е локално, треба да се рашири низ цела Македонија.
2. Во востанието учествуваат луѓе од самата Македонија, кои се чувствуваат Македонци и ја сакаат слободата на својата татковина.
3. Во востанието можат да учествуваат сите македонски жители, без разлика на вера и народност, стига да ја сакаат слободата.
4. Сите доброжители на Македонците од соседните и подалечните земји можат да учествуваат во Македонското востание, ако му се покоруваат на Македонскиот востанички комитет и искрено се залагаат за ослободување на Македонија.
5. Им се дозволува на таканаречените Благотворителни комитети надвор од Македонија да го помогнат востанието, меѓутоа главен предмет и грижа да им биде: собирање на парични помошти, оружје со примадлежностите, облека од секаков род и вид и со готовност да ги испраќаат во однапред определени места, за да се доставуваат на востаничкиот терен, исто така и храната да се доставува до востанатите места, ако тоа го бара нуждата, а посебно прехраната и облеката во оние места каде што селата и куќите се разорени или ќе бидат разорени.
6. Се повикуваат доброволците надвор од Македонија – кој е вистински доброволец и вистински пожртвуван љубител на татковината и сочувственик на оние што страдаат, со свој труд и со својата пот, на сопствена издршка да дојде до местото каде што ќе се приклучи во редовите на востаниците и ќе му се даде оружје и се што е нужно.
7. За мрзливците, крадците и арамолепците нема место меѓу македонските востаници, како што нема место на слични наемници, кои се покажаа силеџии рамни на турските башибозуци, од кои произлезе и произлегува големо беспокојство во народот. Такви доброволци не му се потребни на делото. Подобро е да си одат по своите места од кадешто се дојдени да си ги гледаат своите интереси.
8. Секој доброволец од каде и да е и каков и да е, нека си ги обуе опинците, да си оди мирно, спокојно, благородно и благодетно за насушниот леб што ќе му го дадат по патот и извршувајќи ги општите определби.
9. Нашата цел на Македонското востание не е никаква тајна. Таа е ослободување на Македонија, земја на славните словенски просветители св. Кирил и Методиј, која со векови страда под турското иго. Затоа секој што не се бори за нејзиното ослободување, туку си прави своја сметка – за него нема место во востанието.
10. Од сега во иднина секој доброволец, востаник и арамија е должен најнапред да дојде во до Македонскиот востанички комитет на сопствен трошок, со пушка мартинка, со кама, со сабја или јатаган и со 100 куршуми, без да бара такви нешта од Востаничкиот комитет, кој се грижи за се и сешто што е потребно за востанието. И тој што сака да испрати се што е потребно за востанието, да го испраќа до главната управа на востанието, а не да го предава на приватни лица.
11. Секој доброволец, востаник и арамија од секаква христијанска и друга народност се прима, но тој е должен најнапред да положи клетва на верност и покорност на Главната востаничка управа, па потоа ќе се запишува во бројот на востаниците.
12. Секој од трите споменати вида востаници кој што не се потчини под оваа управа, туку самиот за себе ќе дејствува во името на востаничката управа, ќе се гони од востаничката управа и ќе се убива.
13. Секој арамија којшто излегува само да граби и убива за своја лична корист ќе се гони и казнува со соодветна казна.
14. Секој предавник и шпион, каков и да е и од каде и да е, ќе се гони и откако ќе биде фатен, по завршената истрага со мачење ќе се убива.
15. Секој христијанин и мухамеданец Македонец, Турчин, Арнаут, Влав и друг кој што ќе се покаже како противник на востанието и на востаниците ќе се гони и откако ќе биде фатен, ќе се казни соодветно.
МАКЕДОНИЯ ЗА МАКЕДОНЦИТЕ!
Редактирано от lplp на 25.09.05 19:40.
|