Ne be huno-bugarite ushte se zivi !


"Деновиве, со голема вознемиреност, ги проследивме
информациите дека Владата на Бугарија покренала
иницијатива за подигање споменик на Димитрија и
Константин Миладиновци, во Ѓаково, Република Хрватска.
Со тоа, нашиот источен сосед сакал да ја изрази
благодарноста кон браќата Миладиновци за нивниот
придонес кон ширењето на "бугарската култура, на
бугарското народно творештво", мислејќи, се разбира,
на познатиот Зборник на народни умотворби, подготвен
од Димитрија и Константин, што во 1861 година излезе
од печат во Ѓаково, во печатницата на Анте Јакич.
Сакаме да Ве информираме дека, ниту ние денес, како
директни потомци на семејството на Ристе Миладинов
(чии синови се, покрај другите деца и Димитрија и
Константин), ниту пак, кој и да е од нашата
фамилијарна лоза, не сме се чувствувале како Бугари,
ниту во нашите домови, некој некогаш, проговорил
бугарски збор. Затоа, со голема непријатност ги
доживеавме и ги доживуваме инсинуациите кои
продолжуваат да се плетат во соседна Бугарија за,
наводните, бугарски чувства на нашите предци и за
бугарскиот карактер на Зборникот, во целина.
Во нашето семејство со најголема почит се чува
споменот на Димитрија и Константин и на нивниот татко.
Јас, на пример, го носам неговото име, додека моите
синови се викаат Димитрија и Константин. Така било и
во предходните четири поколенија - во сите нив машката
челад ги носи имињата на своите големи предци. Оттаму
доаѓа големиот револт што го чувствуваме кога толку
лесно се фрла таков срам врз нашата фамилија.
Но доколку нашите соседи не можеме да ги спречиме да
го мислат и чинат тоа што го мислат и чинат, не
изненадува фактот што нашата држава толку лежерно се
однесува кон манипулациите и фалсификатите. Искрено, и
ние очекуваме дека Владата официјално ќе се
спротивстави на безочните посегања и одродувања на
Димитрија и Константин, зашто таа е најповикана, како
врвен претставник на македонскиот народ, тоа да го
направи. Ние би сакале тоа да се случи, зашто до јуни
2001 година има уште време.

Со почит,
Ристе Миладинов, со синовите
Димитрија и Константин
"