Во Скопје
ОТВОРЕН КУЛТУРНО-ИНФОРМАТИВЕН ЦЕНТАР НА БУГАРИЈА
Во Бугарската амбасада во Скопје денеска е отворен Културно-информативен центар на Република Бугарија, што го промовираа претседателите на Македонија и на Бугарија Бранко Црвенковски и Георги Прванов.
Промовирањето на Центарот е во согласност со Спогодбата потпишана во април 2003 година, за реципрочно отворање центри на културата во Македонија и во Бугарија.
Целта на центрите е афирмација на културата и традицијата на Македонија и Бугарија, размена на искуства и понепосредно запознавање на гра|аните од двете земји со културните обележја на соседната држава.
"Отворањето на вакви културно-информативни центри во двете земји претставува нов облик на комуникација, не само ме|у Република Македонија и Република Бугарија, туку и во целиот регион, на кој недвојбено му е потребно поинтензивно пријателство, соработка и ме|усебно разбирање", рече претседателот Црвенковски на отворањето на Културно-информативниот центар на Бугарија во Скопје.
Тој ја потенцираше големата улога на културата во креирањето нов простор за дијалог и соработка. "Културата и уметноста, со слободата на изразувањето кое го носат со себе, можат да бидат моќна движечка сила во надминување на предрасудите, зајакнување на заемната доверба и разбирање, почитување и прифаќање на разликите", рече шефот на македонската држава.
Според него, идејата за отворање центри на културата може да биде позитивен пример и за останатите земји од регионот. "Со отворање бугарски културно-информативен центар во Скопје и на македонски културно-информативен центар во Софија јасно се демонстрира отфрлањето на балканските стереотипи и практикувањето европски норми и вредности во нашите билатерални односи", нагласи македонскиот претседател.
Бугарскиот претседател Георги Прванов оцени дека оторањето на Културно-информативниот центар (КИЦ) е еден од најзначајните настани во осносите на двете земји во последните 15 години.
"Долго време споревме за културата и историјата и дојде време да покажеме дека во овие области заедничките нешта се поважи од нештата што не разликуваат", рече Прванов. Укажувајќи на ислкучително активниот политчки дијалог и интензивирањето на економската соработка ме|у двете земји, бугарскиот претседател истакна дека отворањето на КИЦ е можност односите да се издигнат на уште повисоко ниво и оти тоа ќе биде важен чекор за евроинтеграцијата на двете земји.
"Со отворањето на КИЦ се отвораат нови можности за развој на односите и тоа е најдобра ислустрација за европската иднина на двата народа", рече претседателот Прванов, кој ќе учествува и на регионалниот Самит што денеска и утре се одржува во Скопје.
Двајцата претседатели најавија дека за околу еден месец во Софија ќе биде отворен македонски културно-информативен центар, со што Спогодбата ќе биде целосно реализирана.
Амбасадорот на Бугарија во Македонија Александар Јорданов ја претстави првата културна програма на новоотворениот бугарски КИЦ во Скопје, за кој претседателот Прванов подари книги. Во Центарот е отворена изложба на дела од четири македонски и четири бугарски уметници во соработка со галеријата "Букефал" од Охрид. Промовирањето на Центарот беше збогатена и со музичка програма.