|
|
| Тема |
 Археолошки локалитет кај Јегуновце |
|
| Автор | Jovan Damaskin (Нерегистриран) | |
| Публикувано | 17.11.02 10:03 |
|
|
|
Археолошки локалитет кај Јегуновце од доцниот неолит
09.11.2002
За систематично истражување на локалитетот недостасуваат финансиски средства
Институтот за историја на уметност и археологија и Музејот на тетовскиот крај во септември и октомври извршија ископувања на археолошкиот локалитет Градиште - Јегуновце. Тврдината и гратчето под неа, што се наоѓаат во Дервенската клисура, биле живеалиште во континуитет од бронзеното време, се до 19-от век.
Тврдината на не многу високиот рид со населби во подножјето, крај Дервентската Клисура, со својата посебна важност како фортификациски пункт од каде што се бранела важна комуникација, има значење на темел на македонската цивилизација.
Фортификацијата, што датира две илјади години пред новата ера, во континуитет до 19-от век има функција на почетен одбранбен пункт на патот што ги поврзува Полог и скопскиот регион.
Симптоматично, важноста на оваа комуникација завршува по доаѓањето Турците, кои губат интерес за него на сметка на патот на север од Скопје.
Културните хоризонти на трагите на ова јако утврдено гратче, од доцниот неолит, преку хеленистичкиот, или македонистичкиот период, доцната антика и средниот век, допираат до 19-от век, отсликувајќи организирано и богато општество со автентична култура.
Керамиката е застапена уште од бронзеното време. За доцната антика наодите велат дека имало солидна архитектура, а покрај аграрот и сточарството се живеело и од златарскиот занает, како и подоцна во средниот век.
„Куриозитетот на ова наоѓалиште се патот и неговата безбедност како инфраструктурен дел на една култура“, вели професор Виктор Лилчиќ, кој го предводи ископувањето.
Истражувањата на професор Лилчиќ и екипата од Музејот на тетовскиот крај се само во почетна фаза. За систематично истражување ќе требаат пари.
| |
| |
| 
|
|
