|
|
| Тема |
 Novini ot Makedonija |
|
| Автор | Jovan Damaskin (Нерегистриран) | |
| Публикувано | 14.10.02 12:16 |
|
|
|
13.10.2002
Најверојатно Лихнидос бил старомакедонски аристократски град
Златната маска и златната ракавица со златен прстен, што на крајот на минатиот месец беа откриени при откопувањето во Самоиловата тврдина, денеска на официјален начин и беа презентирани на јавноста во спомен куќата на Глигор Прличев во Охрид.
Златната маска и припаѓала на млада упокоена жена од повисок лихнидчки род, која била погребана со машки покојник од истиот род во гробница во која се пронајдени и прстени и сандали проткаени со сребро.
Ова епохално археолошко откритие, според раководителот на проектот археолог Паско Кузман, ќе фрли ново светло врз досегашните археолошки дилеми поврзани со златните маски од Требеничката некропола и микенските златни маски.
„Најновите археолошки истражувања и реставрацијата на Самоиловата тврдина ќе покажат дека отпаѓа актуелната теза за древниот Лихнидос како илирски град“, рече Кузман, додавајќи оти најновите ископувања во Охрид најверојатно ќе покажат дека Лихнидос бил старомакедонски аристократски град.
Охридската златна маска ќе биде вратена на анализа во скопскиот хемиски институт, а се планира по конверзацијата да биде изложена во Охрид.
Златната маска и златната ракавица со златен прстен на 30-ти септември беа пронајдени во археолошка гробница со уште 70 предмети.
На Самоиловите тврдини се пронајдени 492 гробови, а за конзервацијата, реставрацијата и санацијата на бедемите се потрошени два милиони и сто илјади евра.
http://www.a1.com.mk/vesti/vest.asp?VestID=12978
| |
| |
| 
|
|
