Македония - най-добрата страна в тенис / Политика, Свят / Македония

Ситуацијата е сега отприлика да речиси 99% Македонци се гледаат себеси во улога на гледачи на една голема сапунска опера, каде има скандали речиси секојдневно, и за да се задржи гледаноста скандалите се се поголеми и поголеми.
Како да сапуницата нема никаква врска со нив, како да не се прашуваат како треба да се разреши. А тоа е затоа што наводно режијата е некаде запад и се е предетерминирано. Следствено зошто било кој да се потресува а камо ли да се излезе на улица и буни за било што. Последен пат кога имаше некои протести ( кој покасно испадна дека се финигирани), луѓето кои влегоа во собрание беа драконски казнети , ама затоа никој во последните 30 години нема лежено затвор од "елитата". Никој не сака да биде топовско месо веќе... Ако нешто корисно излезе од сите скандали во последните 3-4 години е тоа дека опозицијата е само квази противник на власта во медиумите, но во вистинскиот свет се сосема добро се слагаат во клептократските зделки. Тоа најдобро го покажа во гласањето на уставни промени кога "изрентира" 8 пратеника.
Со други зборови разликите им се колку помеѓу кока кола и пепси кола - слаткаста вода кога ја вкусуваш, штетна за здравје на долги стази.
Од тие причини најголем број на луѓе не веруваат дека Катица ќе остане долго во затвор, бидејки со Катица е поврзана цела власт како црево. Ама нешто мораа да направат после толку објавени видеа и аудиа, мора пак да се мачкаат очите на народот...
Се доаѓа до крајна заситеност од оваа сапунска опера. Кој веќе се сеќава или му е гајле од скандалите со Рашковски , или споровите со Бугарите околу Делчев и слично, или пеењето на химната од Тамара или дивоградбите во Струга, Охрид, проблемите со Унеско, итн.