Ти откъде го копира тва, бе? / Политика, Свят / Македония

Бев прошлата недела во Бугарија- Ќустендил, Софија, Пловдив и Стара Загора.
Ме изненади убавата магистрала од Ѓуешево до Ќустендил, потоа од Софија до Пловдив и не толку лошиот пат од Ќустендил до Софија. На пато имаше многу нови изградени бензински пумпи и некои ресторанчиња, кои убаво изгледаа.

Центарот на Софија ми се допадна, на Пловдив исто така. Некои делови од овие градои приликуваа како да си во Европа. Реновирани улици, згради, нови продавници. Во Софија ми се допадна новиот кварт со нови згради од страната кај шо била вилата на Тодор Живков. Но, за жал, остатокот од Софија, каде живеат 90% од софијанците е многу гаден и мизерен. Истото беше и со стара загора и пловдив. Стари згради, стари куќи неофарбани 50 години, необновени. На прозорците имаше некои бедни комунистички завеси, кои изгледаа мизерно. Не само таму, туку и градчињата од Ќустендил накај Софија, изгледаа како да се во длабока сиромаштија. Се` изгледаше сиво. Особено селата бугарски ми изгледаа крајно бедно, со некои идентични мали куќи, сите редум исти, но со сиво-црна или со жолта-црна фасада, необновена 50-60 години. И Македонците се сиромашни, но вакво нешто не бев видел до сега во Македонија. Ме изненади и состојбата со парковите во бугарските места, многу запуштени, некултивирани, но сепак почисти од македонските. Видов и многу нови фабрики, но со ложа инфраструктура, ѓубре и отпадоци околу нив, освен во градските центри.

Ми рекоа моите бугарски пријатели дека морските места биле многу изградени, Бургас, Варна итн. со нови згради и не изгледале бедно како другите бугарски градови. Велат, многу се гради, но само странци од ЕУ купуваат имоти, просечниот бугарин единствено може да си дозволи стар автомобил од ЕУ, но не и нов стан или куќа. Тие биле резервирани за државјаните на богатите држави од ЕУ, англичани, германци.

Платите на работниците во Ќустендил и Стара Загора велат дека се движат од 200 -300 лева, што е некаде од 5900-9000 денари. Со кризава, никој не бара поголема плата. Во Софија, работниците земале поголема плата, 300-400 лева (од 9000-12000 денари). Моментално, многу од работниците во Бугарија се соочуваат и со намалување на платите, само за да може фирмите да опстанат и да не отпуштаат вработени. Информатичарите во Бугарија биле најплатени, земале плата од 800 лева па нагоре.

Во мигов биле стопирани и сите странски инвестиции, што е голем шок за бугарските бизнисмени и државата. Бугарија последниве години нагло се развивала, но сега стагнира, со опасност бугарската економија да се врати наназад како пред 10 години. Велат моите бугарски пријатели, тоа би било кошмар.

Интересно е што ценита на храната во Бугарија беа околу 30% поголеми од македонските, а платите помали. Се чудам како бугаринот преживува.

Моите бизнис партнер од Бугарија задоволни се како се живее во Бугарија, зошто порано било многу бедно. Мене и на секој Македонец, тоа ни е чудно, зошто и сега Бугарија е бедна. При такви лоши услови за живот, ние би кукале, како шо го праиме тоа сега.

Невработеност во Бугарија нема, рекоа моите бугарски пријатели, поради тоа што над 1,5 милиони млади бугари се иселиле на гурбет во Шпанија, Англија и други ЕУ земји. Стравот сега е голем, зошто поради светскава криза, се мисли дека бугарските гурбетчии ќе ги изгубат своите работни места во ЕУ и нагло ќе се вратат во Бугарија, со шо ќе настане голем економски колапс, голема невработеност и намалување на платите. Доброто, е што курсот на левот е фиксиран за ЕУРО, па нема да има и додатни потреси од девалвација.

Бугарите се плашат и од турците. Во Бугарија живеат 800.000 турци, а уште еден милион турци од Турција имаат бугарски државјанства. Сите бугари стравуваат дека ако Бугарија за 20 години економски зајакне, Турците од Турција со бугарски државјанства трајно ќе се населат во Бугарија, со што би представувале 30-40% од населението. Проблемот е што во Бугарија наталитетот на бугарите е дупло помал од оној на Македонците, па просечно бугарите чувале по едно дете. Моментално, многу бугарски градои станувале чисто турски, еден од нив е Крџали, ако не се лажам. Они ми спомнуваа и многу друго градови, но не ги запомнив.

Искрено, се надевав на Бугарија да е бар на исто ниво со Македонија во однос на економскиот развиток и стандард на луѓето, но се разочарав. Бугарија е пак полоша од Македонија.