Македонскиот венец , Македонско наречје , ..... / Политика, Свят / Македония

"Македонскиот венец“ вратен во Грција

Венецот за кој се водеше децениска битка
Спектакуларен златен венец од четвртиот век пред нашата ера, од денеска е изложен во Археолошкиот музеј во Грција, по десетгодишната кампања на Атина за негово враќање во Соединетите американски држави.
Таканаречениот „Македонски венец" украсен со златни листови и цветови во вистинска големина , беше купен од музејот „Гети“ во Лос Анџелес во 1993-та година од швајцарски препродавач.

Вратен во неговиот вистински дом, „Македонскиот венец" е еден од најсјајното богатство во Грција. Тоа е венец од растенија, со листови и цветови изработени од злато.

Веројатно е направен по смртта на Александар Велики и се носел во церемонијални пригоди.

Стручњаците веруваат дека бил закопан заедно со останките на неговиот сопственик во северна Грција.

Музејот „Гети“ го купил венецот од швајцарски препродавач пред 14 години за повеќе од милион долари.

Минатата година Американците конечно се согласија да го вратат вредниот предмет откако Грците ги убедија дека бил незаконски изведен и препродеден надвор од земјата.

Директорот на музејот „Гети“, Мајкл Бранд, за БиБиСи изјави дека сите се тажни заради „заминувањето" на венецот, но дека неговото враќање во Грција е коректен чекор.

Атина се надева дека сега и другите музеи ќе го следат примерот на „Гети“, особено Британскиот музеј во Лондон да ги врати т.н. „Елгиновите мермери“, познати и како Мермерите од Партенон.

Грција тврди дека лордот Елгин ки украл во 1801-та година, но Британскиот музеј инсистира на тоа дека Лордот легално ги зел од Грција која во тој период била под Отоманската империја.

Се очекува во текот на годинава да се зголеми моралниот притисок врз Британија кога Грција го отвора новиот Музеј на Акропол, дизајниран како целосно празен простор за да се покаже недостигот на мермер под егејско сонце, наспроти она шти критичарите го нарекуваат „мрачна ќелија во лондонскиот Блумсбери кварт", каде што е Бритиш музејот.)