Античкото наследство е општоцивилизациско
Прашањето околу наследството на античките народи е наметнато од страна на дневната политика. Денес, во светот, не постојат наследници на античките народи, како што не постојат ниту т.н. "чисти народи". Тоа се надминати теории од некои минати времиња, вели м-р Зајковски.
Наследството на античките народи, вклучувајќи ги тука и античките Македонци, е општоцивилизациско наследство. Никој, ама апсолутно никој, нема право на ексклузивитет на него. За овие 15 години независност, македонските институции не најдоа сили во земјава да ги поканат познатите имиња од светската модерна историографија, од величините на еден Бадиан или Борза, кои всушност ја поставија и промовираа тезата за посебноста на античките Македонци. Наместо тоа, промовираме сензационализми кои прават само штета по угледот на нашата наука, вели нашиот соговорник, магистар по историја, Драган Зајковски, кој предавање на оваа тема на 18 декември ќе одржи во книжарницата "Аз-буки".
Која е вашата теза за етногенезата на Античките Македонци?
Прашањето за етничката припадност на Античките Македонци е едно од најисполитизираните прашања во историската наука. Обременето од силното влијание на дневната политика, политички инструментализирано, тоа се уште предизвикува контроверзи во пошироката јавност. Она што современата историографија го тврди, а е засновано пред се на наративните, епиграфските и археолошките извори, Античките Македонци биле посебен народ во антиката, сосема различен од другите народи кои го населувале Балканот во класичниот, хеленистичкиот и римскиот период.
Со што го аргументирате ова тврдење?
Процесот на етногенеза на еден народ е долготраен и сложен процес условен од низа општествено-политички, културни, религиски и други влијанија. Главните показатели кои упатуваат на посебноста на еден народ, не само во антиката, туку и во другите историски периоди, се посебниот јазик, култура, обичаи, религиска пракса. Според сите овие показатели, Античките Македонци биле посебен народ во антиката, сосема различен од нивните соседи Хелените, Илирите, Тракијците.
Која теза владее во светската наука по однос на прашањето кое Вие го истражувате? Што реално можат да направат нашите истражувачи за да ги остранат неправилностите кои што можеби владеат по ова прашање?
Следејќи го историјатот на оваа проблематика, во науката постоеле и постојат неколку теории за етногенезата на Античките Македонци. Првата теорија, актуелна до 70-тите години на 20 век, велела дека Античките Македонци имале хеленско потекло т.е. дека биле Хелени. Други, пак, мислеле дека Македонците имале илирско т.е. тракиско етничко потекло. Но почнувајќи од крајот на 70-тите и почетокот на 80-тите години на 20 век, сепак, денес, во современата историска наука, се поголем број историчари, повикувајќи се на најновите археолошки, епиграфски, нумизматички и наративни извори, недвосмислено и со убедливи аргументи ги отфрлаат сите овие теории и сметаат дека Античките Македонци биле посебен народ. Тука, пред се, би сакал да ги споменам Ернест Бадиан, професор по класична историја на универзитетот Харвард, потоа Јуџин Борза, професор по античка историја на Државниот универзитет Пенсилванија и др.
На кој му припаѓа Александар Македонски? Дали и Македонија има потполно право врз него како и Грција? Што може да направи Македонија за овој голем великан? На пример еден голем монумент или слично?
Прашањето околу наследството на античките народи е наметнато од страна на дневната политика. Денес, во светот, не постојат наследници на античките народи, како што не постојат ниту т.н. "чисти народи". Тоа се надминати теории од некои минати времиња. Па дури ако сакате и денешните Евреи, за кои општо е прифатено мислењето дека се директни и "чисти" потомци на античките Хебреи, гледано од призмата на еден научник и историчар, тешко дека може баш така да се тврди. Не постојат директни наследници на античките народи. Во овој контекст ниту денешните Грци не се директни наследници на античките Хелени. Средновековните хроничари забележале дека во времето на словенските навлегувања на Балканот, во 6 - 7 век, "Словените ја преплавиле цела Хелада стигнувајќи дури до Пелопонез". Оттука како заклучок произлегува дека античкото наследство, односно наследството на античките народи, вклучувајќи ги тука и античките Македонци, е општоцивилизациско наследство. Никој, ама апсолутно никој, нема право на ексклузивитет на него. Но, тоа не значи дека институциите не треба да се грижат за истото. Напротив. Државата и надлежните институции мораат да се грижат за него. Имено, сериозноста на една држава се огледа токму во фактот како се грижи за своето културно наследство.
Што се однесува до прашањето за потребата од изградба на споменик на Александар Македонски, јас како историчар и граѓанин ја поддржувам оваа идеја. Александар Македонски со својот екуменизам ја задолжил целата светска цивилизација.
Една македонска историчарка излезе со тврдање дека и Аристотел е Македонец? Како вие како научник гледате на ваквите истражувања?
Во овој контекст само да ве потсетам дека дамата не е историчарка туку, чинам, филолог. Не би сакал посебно да ги коментирам тврдењата на почитуваната Ангелина Маркус. Едноставно таквите тврдења не заслужуваат коментар и сериозна полемика токму поради нивната несериозност. Мислам дека токму ваквиот несериозен пристап кон историјата и обидот за мала врата да се протнат најразлични сенцационализми само и прават штета на македонската наука. Сензационализмите на госпоѓата Маркус не се ништо во споредба на она што ни го приреди МАНУ. Под капата на МАНУ се издаде прилог во кој еден машински инжинер и еден физичар тврдат дека го дешифрирале античкиот македонски јазик. Каков аматеризам и непрофесионалност од страна на највисоката научна институција во државава. Па дали колегите од МАНУ се свесни каква штета и направија на македонската историска наука. Што мислите какво мислење ќе има еден историчар од странство за нашата историска наука и воопшто за нашите научни институции кога ќе прочита дека највисоката македонска академско - научна институциија се потпишала зад еден толку, најблаго речено, несериозен проект.
Кој е вашиот став како м-р по историја за тоа колку нашите историчари го третираат прашањето за Античка Македонија и колку сме гласни во промовирањето на тезата дека Александар Македонски не е Грк или слично?
Недоволно, мора да се признае. Дури и оние малку обиди остануваат без потребниот одглас во пошироката јавност. За тоа повторно се виновни институциите кои се задолжени за промовирање на културните вредности. Само како илустрација би го споменал примерот дека за овие 15 години независност, македонските институции не најдоа сили во земјава да ги поканат познатите имиња од светската модерна историографија, од величините на еден Бадиан или Борза, кои всушност ја поставија и промовираа тезата за посебноста на Античките Македонци. Наместо тоа промовираме сензационализми кои прават само штета по угледот на нашата наука.
==========================================================
Naj - posle eden da ja priznae vistinata za Aristotel.... drugite podtonovi nema da gi komentiram
==========================================================
Ceterum censeo Serviam esse delendam
Furor Bulgaricus
Za smetka na gornoto ima i vakvi sitoricari vo Makedonija:
Еден обелиск имавме и тој го урнавме
Архитектот и проучувач на историјата на македонската цивилизација, Васил Иљов направил реконструкција на обелискот висок 5,5 метри, кој во 50-тите години на 20 век некој го урнал, барајќи злато под него, заборавајќи дека праисторијата и златото не одат заедно. Локалитетот "Милисин" на Кожуф Планина претставува шумарско-ловечки резерват, и како археолошко наоѓалиште во науката се уште не е регистриран.
Обелискот којшто праисторискиот човек на планината Кожуф, близу Гевгелија го поставил пред речиси 5000 години пред нашата ера, во педесеттите години на 20 век, диви копачи, најверојатно со некаква помошна механизација, барајќи злато - го урнале и го преполовиле на два дела. Не знаеле дека нема шанси да пронајдат какво било богатство на локалитет кој датира од праисторијата. Двата уништени делови на обелискот, кој бил висок 5,5 метри, на се уште нерегистрираниот локалитет наречен "Милисин", кој всушност претставува шумарско-ловечка заштитена зона на Кожуф Планина, денес се само сведок за единствениот обелиск-споменик на културата на праисторискиот човек на овие простори кој верувал во култот на Сонцето и Космосот.
Оваа приказна ја раскажува архитектот и проучувач на историјата на македонската цивилизација, автор на многу дела на оваа тема, Васил Иљов, кој направи реконструкција на обелискот и се обиде да го дешифрира натписот издлабен на каменот.
- Овој начин на пишување кој е регистриран на обелискот е соодветен на пишувањето во раниот неолит. Исто такво пишување има на печатот од Говрлево - издлабени написи на камен на еден одреден принцип. Ми требаа околу четири месеци да осмислам на кој начин да се дешифрира издлабениот дел. Според дешифрираното стои: "Со мојот владетел Сонцето", потоа "И Ракле Зпаски - тоа веројатно значи име на некој владетел", објаснува Иљов.
Локалитетот "Милисин", кој во науката не е многу афирмиран, е мошне атрактивен локалитет. Името го добил по реката Милисин што тече во близина, а целото подрачје, всушност, претставува шумарско-ловечка зона, објаснува тој и додава: "Останав фрапиран од она што го видов. Како може еден таков уникатен објект - споменик од праисторијата толку да се уништи. Според моите сознанија, тој е првиот обелиск што досега бил регистриран на овие простори".
Обелискот бил поставен во слава на Сонцето, бидејќи древните Македонци верувале во култот на Сонцето и Космосот. Се надевале дека кога ќе починат, кога покојникот ќе го стават на клада, кога ќе изгори - преку зраците на Сонцето, ќе стигнат до Космосот и таму ќе станат вечни. Архитектот Иљов смета дека и самиот поим обелиск е древен македонски збор и значи обелоденување.
- Македонскиот народ знаеше да создава под какви било околности. Затоа ние сега треба да знаеме како тоа да го сочуваме, затоа што овие остатоци и' припаѓаат на македонскиот народ и на македонската цивилизација, вели Иљов и додава дека затоа е потребно да се изврши реконструкција на обелискот, да се постави во вертикална позиција и да се вратат камењата на своето место.
- Македонските археолози ваквите локалитети како да не ги забележуваат. За нив поатрактивни се, на пример, некрополите, бидејќи во нив има предмети, богатство. Јас со поранешниот директор на Музејот во Гевгелија бев на терен, значи археолозите би требало да знаат за овој локалитет уште одамна. Тие ваквите терени ги сметаат за случајни. Од овој локалитет и Гевгелија и Македонија можат да заработат, особено сега кога се промовира скијачкиот центар Кожуф. Зошто на посетителите да не им се презентира праисторијата на Македонија? Во Европската унија можеме да влеземе само со нашата историја, секако не со економијата, додава истражувачот Иљов.
Автентична цивилизација со македонски јазик
- На почвата на Македонија и пошироко се издвојува една досега незабележана автентична цивилизација со македонски јазик, древно македонско гласовно писмо, со специфично македонско "зетовско зетување", како најстар облик на владеење во светот, со ширум распространет култ на Сонцето и Космосот (Универзумот) итн. Одделно импресионира фактот што успеавме да регистрираме две праисториски македонски фонетски писма од кои едната азбука била наменета за јавна, а другата, веројатно, за тајна (митолошко - религиозна) употреба, вели Васил Иљов.
"Милисин" заштитена зона
Директорот на Музејот во Гевгелија, Бобан Хусеновски, вели дека "Милисин" претставува ловечко-шумарска заштитена зона и дека тој не е информиран дека тука има археолошки локалитет од праисторијата, што значи дека "Милисин" веројатно не е регистриран во науката.
==========================================================
Ovoj me skina od smeenje - drevnomakedonska civilizacija uste od neolitot ! I toa vekje so oformena FONETSKA pismenost - se razbira vekje i DESIFRIRANA !!!
Na gorniot link ima i sliki od makedonskiot Sampolion so negovoto otkritie !
O sancta simplicitas ! Редактирано от Jovan Damaskin на 14.12.06 03:58.
|