МАНИФЕСТОТ НА ЈАНЕ САНДАНСКИ ОД 1908 / Политика, Свят / Македония

21.10.2006
Стојко Стојков

Бугарските власти не ги почитуваат одлуките на Европскиот суд за човекови права кој бара од Софија да ја регистрира партијата на македонското малцинство ОМО Илинден Пирин.

Според информациите на А1, припадници на бугарското јавно обвинителство и служби за безбедност ги посетуваат членовите на партијата, вршат притисок тие да ги повлечат своите потписи од барањето за регистрација.

Бугарскиот суд, кој што завчера расправал за барањето, не дозволи партијата да се одбрани од обвинувањата дека потписите на членовите се фалсификат. И покрај притисоците, во партијата се оптимисти.

„Ги поднесовме жалбите во МВР и Министерството за правосудство, но немаме никаков одговор на тоа. Акцијата паралелно продолжува, последните вести се од Банско и Гоце Делчев, каде исто така се вршат притисоци од државна безбедност врз некои луѓе за да се откажат од тоа“, рече Стојко Стојков, член на претседателство на ОМО Илинден Пирин.

„Не само што полицијата и обвинителството се трудат да попречат една партија да се регистрира, туку и ги поттикнуваат нашите членови кон лажно сведочење“, додаде Стојков.

Во Европската слободна алијанса, чиј што член е ОМО Илинден Пирин, велат дека со внимание ги следат настаните во Бугарија и за тоа ќе отворат дебата во европските институции.

Македонците во Бугарија утре нема да гласаат на претседателските избори. Тројца од кандидатите биле членови на поранешните служби за безбедност и работеле на негирање на македонската нација, велат во ОМО Илинден Пирин.