Избришите рилките од гомна ........ / Политика, Свят / Македония

МАКЕДОНСКАТА ИСТОРИЈА НЕДОСТАПНА ЗА ЈАВНОСТА
Бугарите не ја даваат биографијата на Миладиновци
Автор на биографијата напишана на рака е најмладиот брат Наум, а на академик Гане Тодоровски кој работел и го истражувал документот бугарските акадмици му препорачале да не ја објавува интегрално

Изворната биографија на Димитар и Константин Миладинов, напишана од нивниот најмлад брат Наум, се наоѓа во архивите на Бугарскатата академија на науките и уметностите.
Документот насловен "Биографија на Миладиновци" е создаден околу 1865-та година има 100 страници, напишан е на рака и е на струшки дијалект и досега не е објавуван. Него минатата година го истражувал и е предмет на студиска работа на македонскиот академик Гане Тодоровски, кому од Бугарската акдемија на науките и уметностите му било забрането да го објави овој текст интегрално.
" Не се работи за забрана, туку за препорака. Јас имав пристап до оваа граѓа , па дури и имам и копија на документот во интегрален вид, но од бугарската акдемија ми дадоа на знаење дека немам право да го објавам бидејќи приоритет има некоја бугарска научничка која работела на него. Ваква препорака, односно договор не е невообичаен во акдемските и научни кругови", вели академик Тодоровски. Дискутабилно со оваа биографија на Миладиновци е што постои втора верзија, но е со препавени факти и со бугаризација на македонскиот јазик. Според акадмикТодоровски не се знае кој и кога тоа го направил:
" Ние, во Македонија, таа верзија ја имаме 50-ттина години. Но, за да се објави треба да се направи споредување со оригиналот и научно да се истражи.Затоа досега не се осмелил никој да ја објави."
Во биографијата Наум Миладинов ги опишува најзначајните моменти од животот на Димитар и Константин. Како што вели академик Гане Тодоровски во прашање е многу важен и корисен документ за македонската историја, особено што е напишан од братот на Миладиновци кој исто бил мошне интересна личност. Бидејќи бил музичар се смета дека на дел од песните на Димитар Миладинов тој бил и еден вид коавтор.